ތައިލެންޑުގެ އޮނެކްސް ގްރޫޕުގެ ރ. އަތޮޅު ރިސޯޓު ހުޅުވާނީ 2020 ވަނަ އަހަރު ކަމަށް އެ ކުންފުނިން ބުނެފި އެވެ.
ތައިލެންޑުގެ އޮނެކްސް ހޮސްޕިޓާލިޓީ ގްރޫޕުން ބުނީ ރ. އަތޮޅުގައި ހުޅުވާ ރިސޯޓު 2020 ވަނަ އަހަރުގެ ތިންވަނަ ކުއާޓަރުގައި ހުޅުވާނީ 200 ވިލާގެ ޕްރައިވެޓް އައިލެންޑެއްގެ ގޮތުގައި ކަމަށެވެ.
އެ ކުންފުނިން ބުނީ 60 އޯވަ ވޯޓާ ވިލާ އާއި 140 ބީޗް ވިލާ ހުންނާނެ ކަމަށެވެ.
އޮނެކްސް ހޮސްޕިޓާލިޓީ ކުންފުނީގެ ޕްރެޒިޑެންޓް ޑަގްލަސް މާޓެލް ވިދާޅުވީ ރާއްޖޭގައި އެ ކުންފުނިން ހުޅުވާ ރިސޯޓަކީ އާއިލާއެއްކޮށް ގޮސް ޗުއްޓީ ހޭދަކޮށްލެވޭ ފަދަ ރިސޯޓެއް ކަމަށެވެ.
ސަރުކާރުން ވަނީ މި އަހަރު 51 ރިސޯޓު ހުޅުވާނެ ކަމަށް ކުރިން ބުނެފަ އެވެ.
