ޕީޕީއެމްގެ މަޖިލިސް މެންބަރުންނަށް ޕްރައިމަރީއަކާ ނުލައި ޓިކެޓް ދީފި

ރައްޔިތުންގެ މަޖިލީހުގައި މިހާރު ތިއްބެވި ޕީޕީއެމް އަށް ނިސްބަތްވެވަޑައިގަންނަވާ ހުރިހާ މެންބަރުންނަށް، ޕްރައިމަރީއަކާ ނުލައި ކުރިއަށް އޮތް މަޖިލިސް އިންތިހާބުގައި ވާދަކުރުމުގެ ޓިކެޓް ދިނުމަށް ނިންމައި މެންބަރުންނަށް ޓިކެޓް ދިން ކަމުގެ ލިޔުން ހަވާލުކޮށްފި އެވެ.

ޕީޕީއެމްގެ އޮފީހުގައި މިރޭ ކުރިއަށްދާ ރަސްމިއްޔާތެއްގައި މެންބަރުންނަށް ޓިކެޓް ދީފައިވާކަން އިއުލާންކުރެއްވީ އެ ޕާޓީގެ ރައީސް، އަބްދުﷲ ޔާމީނެވެ. ޕްރައިމަރީއަކާއި ނުލާ ޕީޕީއެމް އިން ޓިކެޓް ދިނީ އެ ޕާޓީއަށް ނިސްބަތްވާ 24 މެންބަރަކަށެވެ.

ޕީޕީއެމްއިން ޓިކެޓް ދިން ބޭފުޅުން:

މިރޭ ޓިކެޓް ދިން 24 މެންބަރުންގެ ތެރެއިން ދާއިރާ ބަދަލު ކުރެއްވީ ވިލިމާލެ ދާއިރާގެ މެންބަރު އަހުމަދު ނިހާން އާއި އަހުމަދު އަސްއަދު އެކަންޏެވެ. ނިހާން ދެން ވާދަކުރައްވާނީ ތިނަދޫ ދެކުނު ދާއިރާ އަށެވެ. އަސްއަދު ވާދަ ކުރައްވަނީ ގަލޮޅު ދެކުނު ދާއިރާއަށެވެ. އޭނާ ހުންނެވީ ދާންދޫ ދާއިރާ މެންބަރުގެ ގޮތުގަ އެވެ. އެހެން މެންބަރުން ވާދަ ކުރައްވަނީ މިހާރު ވެސް ތަމްސީލް ކުރައްވަމުން ގެންދަވާ ދާއިރާތަކަށެވެ.

މެންބަރުންނަށް ޓިކެޓް ދޭން ނިންމާފައިވާކަން އިއުލާންކުރައްވައި ޕީޕީއެމްގެ ރައީސް ޔާމީން މިރޭ ވިދާޅުވީ، ބާކީ ހުރި ދާއިރާތައްވެސް އެ ޕާޓީ އިން ވަރަށް އަވަހަށް މި ހަފްތާގެ ތެރޭގައި އިއުލާންކުރާނެ ކަމަށެވެ. ބައެއް ދާއިރާތަކުން ޓިކެޓް ދޭނީ ޕްރައިމަރީއެއް ބޭއްވުމަށްފަހު ކަމަށް ވެސް ޔާމީން ވިދާޅުވި އެވެ.