މިއަދު މާލެއަށް ދިމާވި ފެންބޮޑުވުމުގެ ކާރިސާގައި، ފެން ހިންދުމުގެ މަސައްކަތަށް އެހީތެރިވުމުގެ ގޮތުން އެލިއާ ކޮންސްޓްރަކްޝަން އިން އެމްއެންޑީއެފްއަށް ޕަމްޕް ހަދިޔާކޮށްފި އެވެ.
ފެން ހިންދުމުގެ މަސައްކަތް ސިފައިން 14 ސަރަހައްދެއްގައި ކުރަމުން އަންނަ އިރު، އެމްއެންޑީއެފްއިން ބުނީ ފެން ހިއްކުމަށް އެހީތެރިވުމުގެ ގޮތުން ހަތަރު ޑީސަލް ޕަމްޕާއި ފަސް އިލެކްޓްރިކް ޕަމްޕް ހަދިޔާކޮށްފައިވާ ކަމަށެވެ. މިހާރު މާލޭގައި ބޮޑުވެފައިވާ ފެންގަނޑު ހިންދުމުގެ އޮޕަރޭޝަންގައި އެ ޕަމްޕްތައް ބޭނުން ކުރާނެ އެވެ.
މީގެ އިތުރުން އެހެން ބައެއް ކުންފުނިތަކުން ވެސް ޕަމްޕް ހަދިޔާކުރަން ޝައުގުވެރިވެފައިވާ ކަމަށް ވެސް އެމްއެންޑީއެފް އިން ބުންޏެވެ.
މާލޭގައި މިއަދު އެހާ ބޮޑަށް ފެންބޮޑުވީ މާލޭގައި ހުރި ފެން ހިންދާ ޕަމްޕްތައް ހަލާކުވެފައި ހުރުމާ ގުޅިގެން އެވެ.
