ވ. އަތޮޅުގައި ދަނޑުވެރި ކަމަށް ދޫކޮށްފައިވާ ހުޅުދޫ އިން ރުއްގަސް ނެގި މައްސަލައެއް ފެންމަތިވެއްޖެ އެވެ.
ވ. ތިނަދޫ ކައުންސިލްގެ ފަރާތުން ވާހަކަ ދެއްކި ފަރާތަކުން އަވަސް މައުލޫމާތު ދެއްވަމުން ވިދާޅުވެފައިވަނީ، މިއަދު ހެދުނު ވަަގުތެއްގައި ހުޅުދޫ އިން ރުއްގަސް ނަގާ މަންޒަރު އެ ރަށް ކައިރިން މާލެ ދަތުރި ކުރި ބޯޓެއްގައި ތިބި ބަޔަކަށް ފެނިފައިވާ ކަމަށެވެ. އަދި ރުށް ގަސް ނެގި ކަމަށް ބުނެ ސޯޝަލް މީޑިއާގައި އާއްމުވެފައިވާ ފޮޓޯ އަކީ ވެސް މިއަދު ހެދުނު އެރަށު ކައުންސިލަތް ނިސްބަތްވާ މީހަކު ނަގާފައިވާ ފޮޓޯ އެއް ކަމަށެެވެ.
"ކިތަންމެ ދުވަހެއް މިކަން ކުރާތާ، މިއަދު މާލެ ދިޔަ ބަޔަކަށް މި ފެންނަނީ މިއަދު އަނެއްކާވެސް ރުށްތަށް ނަގައިގެން ގެންދަނިކޮށް" އޭނާ ވިދާޅުވި އެވެ.
އޭނާ ވިދާޅުފައިވަނީ، އަލަށް ހަދަމުންދާ ރިސޯޓުގައި އެހާ ވަރަށް ރުށްގަސް ނުހުންނަކަމަށާއި، ހުޅިދޫ ރުށްގަސް ނެގުމުގެ ސަބަބުން މިހާރު އެރަށުގައި ވެސް ރުށް ގަސް ވަރަށް ބޮޑަށް މަދުވެފައިވާ ކަމަށެވެ. އަދި އެ މައްސަލަތް މިހާރު ފުލުހަށް ވެސް ރިޕޯޓު ކޮށްފައިވާ ކަމަށާއި، އަދި ފުލުހުން އެރަށުގައި ރުށްގަސް އު ފުރާފައިވާ ސަރަހައްދުގައި ހަރަކާތްތެރިވެފައިވާ ކަަމަށެވެ.
މައުލޫމާތު ދެމުން އޭނާ ވިދާޅުވީ. މިއަދު ސީދާކޮށް ނަގާފައިވަނީ ކިތަށް ރުށް ގަސްކަން ނޭގުނު ނަމަވެސް އެކި ފަހަރު މަތިން އެރަށުން ރުށްގަސް، ކައިރީގައި ހަދަމުންދާ ރިސޯޓަށް ގެންގޮސްފައިވާ ކަމަށެވެ.