ރައީސް އިބްރާހީމް މުހައްމަދު ސޯލިހު ސްރިލަންކާގެ ރައީސް މައިތިރިޕާލާ ސިރިސޭނާ އާ މިއަދު ބައްދަލު ކުރައްވައިފި އެވެ.
ރައީސް ސްރިލަންކާގެ ރައީސް އާ ބައްދަލު ކުރައްވާފައިމިވަނީ އެގައުމުގެ 71 ވަނަ މިނިވަން ދުވަހުގެ ހަރަކާތްތަށް ޝަރަފުވެރި ކުރުމުގެ ގޮތުން ކުރެއްވި ރަސްމީ ދަތުރުފުޅުގަ އެވެ. މި ދަތުރުފުޅުގައި ރައީސް ވަނީ ލަންކާގައި އުޅުއްވާ ދިވެހިންނާވެސް ބައްދަލު ކުރައްވާފަ އެވެ.
ރައީސް ސޯލިހު ވަނީ ލަންކާގައި ދިރިއުޅުއްވާ ދިވެހިންނާ ބައްދަލުކުރައްވައި އަންނަށް އެޕްރީލްމަހު ފެށިގެން ލަންކާގައި ދިރުއުޅުއްވާ ދިވެހިންނަށް އާސަންދަ ހަމަޖެހޭނެ ކަމަށް ބުނެފަ އެވެ. އަވައްޓެރި އިންޑިއާ ސްރިލަންކާ އަދި މެލޭޝިއާގައި ދިރި އުޅުއްވާ ދިވެހިންނަށް އާސަންދަށް ހަމަޖައްސައިދޭނެ ކަމަށް ރައީސް ބުނެފައިވަނީ މިދިޔަ އަހަރު ރިޔާސީ ކެމްޕޭނުގަ އެވެ.
ރައީސް އިންޑިއާ ވަޑައިގަތުމަށް ފުރާވަޑައިގަނެފައިވަނީ މިމަހު ތިން ވަނަ ދުވަހު އެވެ. ސްރިލަންކާއަށް ވަޑައިގުމުގެ ކުރިން ރައީސް ކުރެއްވި ޓުވީޓެއްގައި ވިދާޅުވީ މި ދަތުރު ފުޅުގެ ސަބަބުން ރާއްޖެ އާއި ލަންކާގެ ގުޅުން އިތުރަށް ބަދަހިވެގެންދާނެ ކަމަށެވެ.