ޓްވިސްޓަކަށް ފަހު ޓްވިސްޓެއް، މިއީ މިފިލްމުގެ ޓްރެއިލާ ބަލާ ކޮންމެ މީހެއްގެވެސް ހިތަށް އަރާނެ އެއްޗެކެވެ.
ކޮމެޑީ ފެމިލީ ޑްރާމާ "އޯލް އިޒް ވެލް" ގެ މިހާރު ރިލީޒްކޮށްފައިވާ ޓްރެއިލާއިން ފެންނަނީ ރޯޑް ޓްރިޕް އެއްގައި ހިނގާ ހެއްވާ މަޖާ ކަންތައްތަކެކެވެ.
އަބީޝެކް ބައްޗަން އާއި، ރިޝީ ކަޕޫރު އަދި ސުޕްރިޔާ ޕަތަކްގެ އިތުރުން އަސީން ތޮއްތުމްކަލް މުހިންމު ރޯލުން ފެނިގެންދާ މިފލްމުގައި ރިޝީ ކަޕޫރު ކުޅެނީ އަބީޝެކްގެ ބައްޕަގެ ރޯލެވެ. އަދި ސުޕްރިޔާ އަބީޝެކްގެ މަންމަގެ ރޯލުން ފެނިގެންދާއިރު އަސީން އަކީ އަބީޝޭކްގެ ލޯބިވެރިޔާ އެވެ.
މިއާއިލާ އެކުގައި ދާ ރޯޑްޓްރިޕްގައި އަބީޝޭކް އަށް އޭނާގެ ބައްޕަ އުޅެނީ ވަރަށް ބޮޑަށް ދަރަނިވެރިވެގެން ކަން އެނގުމުން އެކަން ހައްލުކުރަން މަސައްކަތްކުރާތަން ފެނިގެންދާއިރު، އެކަމުގެ ސަބަބުން އަބީޝެކް އާއި އަސީން އާ ދެމެދު މައްސަލަތަކެއްޖެހި، ދެމީހުން ވަކިވާ ހިސާބަށްދެ އެވެ. އެހެންނަމަވެސް ރިޝީ އަބީޝެކް އަށް ވިސްނައިދީގެން އަސީންއާއި އަބީޝެކްގެ ގޯސްވެފައިވާ ގުޅުން ރަނގަޅުކުރެ އެވެ.
މީގެއިތުރުން މިހާރު ރިލީޒްކޮށްފައިވާ ޓްރެއިލާއިން ފެންނަގޮތުން ސުޕްރިޔާ ފެނިގެންދަނީ ވަރަށް މަޑުން ހުންނަ މަންމަ އެއްގެ ރޯލުންނެވެ.
މަޝްހޫރު ބަތަލާ ސޮނާކްޝީ ސިންހާގެ ހާއްސަ އައިޓަމް ލަވައެއްވެސް ހިމެނޭ މިފިލްމަކީ ހެއްވާ މަޖާ ފިލްމަކަށް ވާނެ ކަމަށް ގިނަ ފަރާތްތަކަކުން އަންނަނީ ބުނަމުންނެވެ.
އަބީޝެކް އާއި ރިޝީ ކަޕޫރު އެކުގައި ފެނިގެންދާ ފުރަތަމަ ފިލްމުކަމަށް މިފިލްމުވާއިރު، މިފިލްމު ޑައިރެކްޓްކޮށްފައިވަނީ އުމޭޝް ޝުކްލާ އެވެ.
އޮގަސްޓް މަހުގެ 21ވަނަ ދުވަހު ރިލީޒްކުރުމަށް ހަމަޖެހިފައިވާ މިފިލްމު ޕްރޮޑިއުސްކޮށްފައިވަނީ ގުލްޝަން ކުމާރު އެވެ.
ފިލްމުގެ ޓްރެއިލާ: