އައްސޭރި ޖަލުގައި ހުކުމް ތަންފީޒު ކުރަމުންދިޔަ ގައިދީއަކު ކުއްލި ގޮތަކަށް މިއަދު މަރުވެއްޖެ އެވެ.
ކަރެކްޝަންސް އިން ވަނީ އައްސޭރި ޖަލުގައި ގައިދީއަކު މަރުވެގެން އުޅޭކަން "އަަވަސް" އަށް ޔަގީން ކޮށްދީފަ އެވެ. ކަރެކްޝަންސް އިން ބުނީ އޭނާ މަރުވެފައި ވަނީ، މިއަދު ހަވީރު ފުޓްބޯޅަ ކުޅެން ހުއްޓާ ކުއްލިއަކަށް އަނބުރައިގަނެގެން ވެއްޓުުމުން ބެލިއިރު ކަމަށެވެ.
އެހެން ނަމަވެސް އެ ގައިދީއާ ގުޅޭ އިތުރު އެއްވެސް މައުލޫމާތެއް މިވަގުތު ހިއްސާ ކުރެވެން ނެތް ކަމަށާއި، އެ މައުލޫމާތު ފަހުން ހާމް ކުރާނެ ކަމަށް ކަރެކްޝަންސް އިން ވަނީ ބުނެފަ އެވެ.
މައުލޫމާތު ލިބިފައިވާ ގޮތުގައި އައްސޭރި ޖަލުގައި ކުއްލި ގޮތަކަށް މަރުވެފައިވަނީ 34 އަހަރުގެ ގަޒުލީ އަބުދުލް ގަފޫރު ކިޔާ މީހެކެވެ. އޭނާ އަކީ ވާހަކަ ނުދެއްކޭ ހާއްސަ އެހީއަށް ބޭނުންވާ މީހެއް ކަމަށްވެސް މައުލޫމާތު ލިބިފައިވެ އެވެ.