ފ. ފީއަލީގައި ޑެންގީ ފެތުރެމުންދާތީ ފ. އަތޮޅު މަދަރުސާ ބަންދުކޮށްފި އެވެ. އެ މަދަރުސާ ހުންނަނީ ފީއަލީގަ އެވެ.
ބަންދު ކުރަން ނިންމި އަތޮޅު މަދަރުސާގައި 200 އަށް ވުރެ ގިނަ ދަރިވަރުން ތައުލީމު ހާސިލު ކުރެ އެވެ. ގާތްގަނޑަކަށް 1،200 މީހުންގެ އާބާދީއެއް އޮތް ފީއަލީގައި ހުންނަ އަތޮޅު މަދަރުސާ ބަންދު ކުރީ ފަސް ދުވަހަށެވެ.
މި ނިންމުން އާއިރު ޑެންގީ ހުމަށް ޕޮޒިޓިވް ވެފައިވާތީ އެ ރަށުން 14 ކުއްޖަކު ވަނީ އިތުރު ފަރުވާއަށް މާލެ ގެނެސްފައެވެ. އަދި އޭގެ ތެރެއިން ކުއްޖެއްގެ ހާލު ސީރިއަސްވާތީ ރާއްޖެއިން ބޭރަށް ގެންދަން ވެސް ވަނީ މަސައްކަތް ފަށާފަ އެވެ.
ޑެންގީ ހުން ކޮންޓްރޯލް ކުރަން ފީއަލީގައި މިހާރު ކޮންމެ ދުވަހަކުވެސް ފޮގުކުރެ އެވެ.