ސުޕަސްޓާ ސަލްމާން ޚާންގެ ބޮޑު ކާމިޔާބީއެއް ހޯދާފައިވާ "ދަބަންގް" ތިންވަނަ ބައެއް މިހާރު އުފައްދަން ނިންމާފައިވާއިރު، އެބައިގައި ވސް ބަތަލާގެ ރޯލުން ފެނިގެންދާނީ މިސިލްސިލާގެ ފުރަތަމަ އަދި ދެވަނަ ބައިގައިވެސް ބަތަލާގެ ރޯލު ކުޅުނު ސޮނާކްޝީ ސިންހާ ކަމަށް ސަލްމާން ބުނެފި އެވެ.
ދެހާސް ސަތާރަވަނަ އަހަރުގެ އީދުގައި ރިލީޒްކުރާ ގޮތަށް ހަމަޖެހިފައި އޮތް "ދަބަންގް 3" ކުން ވެޗް މީގެކުރިން ނިކުތް ދެފިލްމުގައި އެކުލެވުނު ހުރިހާ ރަހައެއް ހިމެނުނު ނަމަވެސް ބޮޑަށް މިފިލްމު ބިނާވެގެން ދާނީ ސަލްމާންގެ ކެރެކްޓާ "ޗުލްބުލް ޕާންޑޭ" އަށް ވާންޖެހުނު ގޮތާއި، އެދުވަސްވަރު އޭނާގެ ހަޔާތުގައި ދިމާވި ކަންތައްތަކެވެ.
ސޮނާކްޝީ ސިންހާ ބޮލީވުޑަށް 2010ވަނަ އަހަރު ތައާރަފުވީ 'ދަބަންގް" ގެ ފުރަތަމަ ބައިންނެވެ.
"ދަބަންގް 3" ވެސް ޑައިރެކްޓްކުރުމަށް ހަމަޖެހިފައވަނީ މިފިލްމުގެ ދެވަނަ ބައި ޑައިރެކްޓްކުރި ސަލްމާންގެ ކޮއްކޮ އަރްބާޒް ޚާން އެވެ.