ޑައިވިނަށް ފޭބި ފަތުރުވެރިއަކު މަރުވެއްޖެ

ގއ. އަތޮޅު ސަފާރީއަކުން ޑައިވިނަށް ފޭބި ފަތުރުވެރިއަކު މަރުވެއްޖެ އެވެ. މަރުުވެފައިވަނީ 50 އަހަރުގެ ޗައިނާގެ ފަތުރުވެރި އެކެވެ.

ފުލުހުންގެ މީޑިއާ އޮފިޝަލް ވިދާޅުވީ، ގއ. އަތޮޅު ސަފާރީއަކުން ފީނަންފޭބި ފަތުރުވެރިއަކު ހާލު ދެރަވެގެން އެއަތޮޅު ހޮސްޕިޓަލަށް ގެންގޮސްފައިވާ ކަމަށެވެ. ހޮސްޕިޓަލަށް ގެންގޮސްފައިވަނީ 12:05 ގައި ކަމަށާއި ގެންދިޔަ އިރުވެސް މަރުވެފައިވާ ކަމަށެވެ. މަރުވެފައިވަނީ ޗައިނާގެ 50 އަހަރުގެ ފިރިހެން ފަތުރުވެރިއެއް ކަމަށްވެސް ފުލުހުން ބުންޏެވެ.

ޗައިނާ ފަތުރުވެރިއަކު މަރުވެފައިވާއިރު، މިދިޔަ ހޯމަ ދުވަހު ވަނީ ކުރަމަތި ރިސޯޓްގައި ޖަރުމަނުވިލާތުގެ އަންހެން ފަތުރުވެރިއަކު ގެނބިގެން މަރުވެފަ އެވެ. އަދި މިދިޔަ ހޮނިހިރު ދުވަހު ވަނީ ކ. މާފުށީގައި ތުރުކީއަށް ނިސްބަތްވާ 40 އަހަރުގެ ފިރިހެނަކުވެސް ގެނބިގެން މަރުވެފަ އެވެ.

ގެނބިގެން ފަތުރުވެރިން މަރުވާ ހާދިސާ މިފަހުން ވަނީ އިތުރުވެފަ އެވެ. އެކަމާ ގުޅިގެން ޓޫރިޒަމް މިނިސްޓްރީއިން އެ ހާދިސާ ހިނގާ ސަބަބުތައް ދެނެގަތުމަށް މަސައްކަތްތަކެއް ވެސް ވަނީ ފަށައިފަ އެވެ.