ފުލުހުން މިއަދު ހިންގި އޮޕަރޭޝަނެއްގައި 19 ދިވެހިންނާއި 18 އަހަރު ނުފުރޭ ކުއްޖަކު ގިނަ އަދަދެއްގެ ޑްރަގާ އެކު މިއަދު ހައްޔަރުކޮށްފި އެވެ.
ފުލުހުން ބުނީ، މަސްތުވާތަކެތި ވިއްކާ ކަމަށް ބުނެ މިއަދު ހެނދުނު 10:52 އެހާކަންހާއިރު ލިބުނު މައުލޫމާތަކާ ގުޅިގެން ކޯޓު އަމުރެއްގެ ދަށުން މާފަންނު ގެއެއް ބަލައި ފާސްކޮށް ހިންގި އޮޕަރޭޝަނެއްގައި ޑްރަގް ހުރި 38 ޕެކެޓް ފެނިފައިވާ ކަމަށެވެ. އަދި އެ އެގޭގެ ތެރެއިން، 19 ދިވެހިންނާއި 18 އަހަރު ނުފުރޭ ކުއްޖަކު ވެސް ވަނީ ހައްޔަރުކޮށްފަ އެވެ. މީގެ އިތުރުން ބިދޭސީއަކު ވެސް އެ ގޭގެ ތެރެއިން ހައްޔަރުކުރި ކަމަށް ވެސް ފުލުހުން ބުންޏެވެ.