ދިވެހިންގެ ތެރޭގައި ވެސް ވަރަށް މަގުބޫލު ތަންދޫރީ ރަހައިގެ މޭސްތިރިން ރާއްޖެ އަތުވެއްޖެ އެވެ. ތަންދޫރީ ކުކުޅުގެ ހަގީގީ ރަހަތައް ދިވެހިންނަށް މިހާރުން ފެށިގެން ލިބެން ހުންނާނެ އެވެ. ފުރަތަމަ ފަހަރަށް ރޭ ރަސްފަންނުގައި ހުޅުވާލީ ތަންދޫރީ ކުކުޅު ދުނިޔެއަށް ތާއަރަފް ކުރި އިންޑިއާގެ "މޯޓީ މަހަލް ޑިލަކްސް ތަންދޫރީ ޓްރެއިލް" ގެ އައުޓްލެޓެކެވެ.
ރަސްފަންނުގައި ރޭ މޯޓީ މަހަލް ހުޅުވައި ދެއްވީ ޒުވާނުންގެ މިނިސްޓަރު އަހްމަދް މަހްލޫފެވެ.
މޯޓީ މަހަލް އަކީ މީގެ ގަރުނެއްހާ ދުވަސް ކުރިން 1920 ވަނަ އަހަރު އުފެދުނު މިހާރު މުޅި ދުނިޔެއަށް މަޝްހޫރު ރެސްޓޯރެންޓް ޗެއިންނެވެ. އަދި މިއީ އިންޑިއާގެ އެންމެ މަޝްހޫރު އެއް ރެސްޓޯރެންޓް ކުންފުންޏެވެ. މޯޓީ މަހަލްގެ 120 އައުޓްލެޓް މުޅި ދުނިޔޭގައި ހުޅުވައިފައި އެބަހުއްޓެވެ.
އިންޑިއާގެ ކެއުމުގެ ބާވަތްތަށް ވަނީ ދިވެހިންގެ މެދުގައި ވައިގައި ހިފައިފަ އެވެ. އެހެންކަމުން މޯޓީ މަހަލްގެ އައުޓްލެޓް ރާއްޖޭގައިވެސް ހުޅުވަން ޖެހުނީ އެވެ.
މޫދު ފެންނަ ގޮތަށް އޮންނަ ރަސްފަނުގެ ހިތްގައިމު މާހައިލުގައިވާ ޕެވަލިއްންގެ ފުރަތަމަ ފަންގިފިލާގައިވާ ރެސްޓޯރެންޓުން ރޭ ހުޅުވާލުމާއެކު ގިނަ އަދަދެއްގެ ބަޔަކު ވަނީ ރެސްޓޯރެންޓްގެ ހިދުމަތް ހޯދަން ފަށާފައެވެ.
އިންޓީރިއާއަށް އިންޑިއާގެ ހާއްސަ ސިފަތައް ގެނެސްދީފައިވާ މި ރެސްޓޯރެންޓުން ބުނީ ތަންދޫރި ކުކުޅަކީ ދިވެހިންގެ ރަހައާ ގުޅިފައިވާ ހާއްސަ ރަަހައަކަށްވާތީ ކުރިޔަށް އޮތް ރޯދަ މަހުވެސް ހާއްސަ ކެއުންތައް ހުންނާނެ ކަމަށެވެ.
"މޯޓީ މަހަލް ރޭ ރާއްޖޭގައި ހުޅުވި އިރު މީއީ ގަރުނެއް ކުރިން ކުންޑަން ލަލް ގުޖްރާތް ފެށި ވިޔަފާރިއެއް. މިއަދު ދުނިޔޭގެ ކޮންމެ ހިސާބެއްގައިވެސް އިންޑިއާގެ ކެއުމަށް ރެސްޓޯރެންޓެއް ހުޅުވާނަމަ ސިގްނޭޗާ ޑިޝްއެއްގެ ގޮތުގައި ތަންދޫރީ ކުކުޅު ހުރޭ. ރާއްޖެިއން ވެސް މި މަގްބޫލު ތަންދޫރީ ޗިކެންގެ އަސްލު ރަހަ ސިގްނޭޗާ ޑިޝް އެއްގެ ގޮތުގައި ލިބެން މި ފެށީ،" މޯޓީ މަހަލްގެ އޮފިޝަލަކު ވިދާޅުވި އެވެ.
މޯޓީ މަހަލް ކިޔާތީ އަޅައިގަންނަށް ގޮތެއް ހުރެދާނެ އެވެ. މި ނަން ކިޔާފައިވަނީ ތަންދޫރީ ކުކުޅުގެ މޭސްތިރިޔާ ކުންޑަން ލަލް ގުޖްރާތް އިންޑިއާގެ އާގްރާއަށް ކުރި ދަތުރެއްގެ ތެރެއިންނެވެ. އޭނާއަށް ތާޖްމަހަލް ކަމުދިޔަލެއް ބޮޑު ކަމުން އޭނާގެ ވިޔަފާރިއަށް ތާޖު މަހަލް އާއި ގުޅުވައިގެން ނަން ދިނީ އެވެ.
ރޭ ރެސްޓޯރެންޓް ހުޅުވުމުގެ ރަސްމިއްޔާތުގައި ވަރަށް ގިނަ އަދަދެއްގެ އިސް ބޭފުޅުން ވެސް ބައިވެރިވެ ވަޑައިގެންނެވި އެވެ.