އެކި ދުވަސް މަތީން ހއ. ހޯރަފުށީ ގެއަކުން ވަގަށް ނަގާފައިވާ އެއްލައްކަ ރުފިޔާގެ ތެރެއިން ބައެއް ހޯދައި ތުހުމަތަށް ހަތަރު މީހަކު ހައްޔަރުކޮށްފި އެވެ.
ފުލުހުން ބުނީ އެ ވައްކަންތަކުގެ ރިޕޯޓް މިމަހު އިއްޔެ ރޭ ލިބުމުން ބެލި ބެލުމުގައި އެއްލައްކަ ރުފިޔާގެ ތެރެއިން މިހާތަނަށް 10،950 ރުފިޔާ ހޯދާފައިވާ ކަމަށެވެ.
މި ވައްކަންތަކުގެ ތުހުމަތަށް ފުލުހުން މީހުން ހައްޔަރު ކޮށްފައިވަނީ ވައްކަމުގެ މައްސަލަ ރިޕޯޓް ކުރި ރޭގައެވެ.
ހައްޔަރުކުރި މީހުންގެ ބަންދުގެ މުއްދަތު ޖަހަން ހއ. ތުރާކުނު މެޖިސްޓްރޭޓް ކޯޓަށް ގެންދިޔުމުން އެެކެއްގެ ބަންދަށް 15 ދުވަސް އަނެއް ތިން މީހުންގެ ބަންދަށް ވަނީ ހަފުތާއެއް ދިނެވެ.
އިއްޔެގެ ވަގުތެއްގައި ފ. ދަރުބޫދޫ ގެއަކުންވެސް ވަނީ ތިން ލައްކަ ރުފިޔާ ވަގަށް ނެގި މައްސަލަ އެއް ފުލުހުންނަށް ރިޕޯޓް ކޮށްފަ އެވެ. މީގެ އިތުރުން ވެސް މިމަހު ވަނީ ފިހާރެއް ފަޅާލައި 20900 ދިވެހި ރުފިޔާއާއި 412 ޑޮލަރާއި 10 ޔޫރޯ ވަގަށް ނަގައިފަ އެވެ.