ރޭ ދަންވަރު މާފަންނު ގެއެއްގެ ވައި ގޮޅީގެ ތެރެއަށް ވެއްޓި ބޮޑެތި އަނިޔާތައްވި އަންހެންމީހާ މަރުވެއްޖެ އެވެ.
އައިޖީއެމްއެޗްގެ މީޑިއާ އޮފިޝަލަކު މިއަދު ވިދާޅުވީ އެމަޖެންސީގައި ފަރުވާ ދެމުން ދަނިކޮށް އެ އަންހެން މީހާ މަރުވީ މިއަދު މެންދުރު 1:30 ގައި ކަމަށެވެ. ޒަހަމްތަކަށް ފަރުވާ ދެމުން ދަނިކޮށް މަރުވީ 76 އަހަރުގެ ދިވެހި އަންހެނެކެވެ.
އެ އަންހެން މީހާ ވައިގޮޅީގެ ތެރެއަށް ވެއްޓުނީ ރޭ ދަންވަރު 1:30 އެހާކަންހާއިރު އެވެ. އެ ހާދިސާގައި އަންހެން މީހާގެ ބޮލުގެ ފުއްކިބައިގެ ބައެއް ފަޅައިގެން ގޮސްފައިވާއިރު ކަނާއަތު ފައި ފަލަ މަސްގަނޑާ ހަމައިން ބިންދައިގެން ގޮސްފައިވާއިރު އެހެން ގިނަ އަނިޔާތައް ވެސް ލިބިފައިވެ އެވެ.