ތިން ތަނެއްގައި ވެންޑިން މެޝިން ބަހައްޓައިދޭނެ ފަރާތެއް ހޯދަން މޯލްޑިވްސް ޕޯޓްސް ލިމިޓެޑުން އިއުލާން ކޮށްފި އެވެ.
މިއަދު ޕޯޓްސް ލިމިޓެޑުން ކުރި އިއުލާނެއްގައި ބުނެފައިވަނީ ވެންޑިން މެޝިން ބަހައްޓަނީ މާލޭ ބަސް ޓާމިނަލް އާއި ހުޅުމާލޭ އިންޓަނޭޝަނަލް ޓާމިނަލް އަދި މާލޭގައި ހުންނަ ޕޯޓްސް ބިލްޑިންގުގައި ކަމަށެވެ.
ވެންޑިން މެޝިން ބަހައްޓަން ޕްރޮޕޯސަލް ހުށަހަޅަން ޖެހޭނީ މި އަންނަ ހަފްތާގެ ބުދަ ދުވަހުގެ ކުރިންނެވެ.
މީގެ ކުރިން ރާއްޖޭގައި އަމިއްލަ ފަރާތަކުން މާލޭގެ އެކި ހިސާބުތަކުގައި ވެންޑިން މެޝިން ބެހެއްޓި އެވެ. އެ ފަހަރު އެކި ފަރާތްތަކުން ގެއްލުން ދޭން ފެށުމުން މެޝިންތައް ނެގީ އެވެ. އޭގެ ފަހުން 2016 ވަނަ އަހަރު މާލޭގައި ވެންޑިން މެޝިން ބަހައްޓަން ނިންމައި، މެޝިން ބަހައްޓާނެ ބަޔަކު ހޯދަން ހައުސިން މިނިސްޓްރީން އިއުލާން ކުރި އެވެ.
ހައުސިން މިނިސްޓްރީން ބުނީ ވެންޑިން މެޝިން ބަހައްޓަން އުޅުނީ ދާރުލް އާސާރު ކުރިމަތިން އޮންނަ މައިޒާނާއި ސޯސަންގޭ ކައިރީ މައިޒާނުގަ އެވެ،