މިނިވަން ދުވަހުގެ މުނާސަބަތާ ގުޅުވައި ކުރިޔަށް ގެންދާ "ލިކަމެކް ނައިޓް މާކެޓް" ގެ ފަހު ރެޔަކީ އޯގަސްޓްގެ ފުރަތަމަ ދުވަހުގެ ރޭ ކަމަށް ހަމަޖައްސައިފި އެވެ.
މި ނައިޓް މާކެޓް ކުރިޔަށް ގެންދަނީ މާލޭގެ ބޮޑުތަކުރުފާނު މަގުން ރަސްފަންނު ސަރަހައްދުގަ އެވެ.
ލިކަމެކް އިން ބުނީ ގޮތުގައި ހަތް ދުވަހުގެ މުއްދަތަށް ކުރިޔަށް ގެންދާ ނައިޓް މާކެޓަށް މިހާރުވެސް ވަރަށް ބޮޑު ތަރުހީބެއް އެބައޮތެވެ. އަދި މިއީ ކުރިޔަށް އޮތް ބޮޑު އީދާއި ދިމާކޮށް ވިޔަފާރި ކޮށްލަން އާންމުންނަށް ލިބޭނެ ބޮޑު އެއް ފުރުސަތެވެ.
އެ ފަރާތުން ބުނީ މިނައިޓް މާކެޓަކީ މާލޭގައި ބޭއްވޭ އެންމެ އަގު ހެޔޮ ނައިޓް މާކެޓް ކަމަށާއި ލިކަމެކް ނައިޓް މާކެޓް ހުޅުވިފައި ހުންނާނީ ކޮންމެ ދުވަހެއްގެ ވެސް ހަވީރު 4:00 އިން ރޭގަނޑު 11:00 އަށް ކަމަށެވެ.
ލިކަމެކް ނައިޓް މާކެޓްގައި ކެންޓީނެއްގެ އިތުރުން އެކި ވައްތަރުގެ ފުޑް ސްޓޯލްތައް ވެސް ހިމަނާފައި ވެއެވެ.