ވާދަވެރި ފިލްމީ ދުނިޔޭގައި ކޮންމެ ދުވަހަކު އެތަކެއް އާ ތަރިއެއް އުފަންވެ، އެތަކެއް ތަރިންނެއް ގެއްލިގެންވެސްދެ އެވެ. ކާމިޔާބީ އާއި މަޝްހޫރުކަން ހޯދުމަށް އެތަކެއް އަޑި ގުޑަންތަކެއް ބައެއް ތަރިން ކަޑަތު ކުރަން ޖެހިފައިވާއިރު، ބައެއް މީހުންނަށް ކާމިޔާބީގެ ފޮނިކަން ލިބިގެންގޮސްފައިވަނީ ވަރަށް ވެސް ފަސޭހަކޮށްނެވެ.
ބޮލީވުޑްގެ ދުނިޔެއަކީވެސް ކޮންމެ ދުވަހެއްގައި އެތައް ބައެއްގެ ކާމިޔާބީ އާއި ނާކަމިޔާބީ އަދި ދަތި އުނދަގުލުން އެތައް ބައެއްގެ ހުވަފެންތައް ހަގީގަތަކަށް ވާތަން ފެނިގެންދާ ތަނެކެވެ.
ކާމިޔާބީގެ ފޮނި ރަހަ އެއްވެސް އުނދަގުލެއްނެތި ލިބިފައިވާ އެތަކެއް ތަރިންނެއް އެބަތިއްބެވެ. އޭގެތެރެއިންވެސް، ކުޅުނު ފުރަތަމަ ފިލްމާއި އެކު ބެލުންތެރިންގެ މެދުގައި ބޮޑު ތަރުހީބެއް ލިބިގެންގޮސްފައިވާ ތަރީން އެބަތިއްބެވެ. މިފަދަ ތަރިންގެ ތެރެއިން ފުރަތަމަ ފިލްމުން ދުނިޔެއަށް އެމީހުންގެ ޖަދޫ ދައްކާލާފައި ގެއްލިގެންގޮސްފައިވާ އެތަކެއް ތަރީންނެއް ވެސް އެބައުޅެ އެވެ.
ޒާތީ ދިރިއުޅުމުގެ ބައެއް ސަބަބުތަކާއި އެނޫންވެސް ސަބަބުތަކަށްޓަކައި، މިތަރިންތައް ވަނީ އެމީހުންނަކީ މިދާއިރާގައި އަބަދު ފިޔަޖަހައި އުދުހެން އައި ތަރިންނެއް ނޫންކަމަށް ބުނެދީފަ އެވެ. އެމީހުންނަކީ މިދާއިރާއަށް ވގުތީ މެހުމާނުންނަށް ވިޔަސް ވަނީ ކާމިޔާބު ފިލްމަކުން އުފަންވެ ބެލުންތެރިންގެ ހިތުން ޖާގަ ހޯދާފަ އެވެ. އެގޮތުން ފުރަތަމަ ފިލްމުން ބެލުންތެރިންގެ ހިތް އަތުލުމަށްފަހު ގެއްލިގެން ގޮސްފައިވާ ތަރިންނަށް ބަލާލަމާ ހިނގާށެވެ.
"ހޭޓް ސްޓޯރީ" ގައި ބޯލްޑް ރޯލަކުން ބޮލީވުޑަށް އުފަންވި، ޕައޯލީ ވަނީ އޭނާގެ ފުރަތަމަ ފިލްމުންވެސް އެތަކެއް ބައެއްގެ ސަމާލުކަން އަތުލައިގެންފަ އެވެ. މިފިލްމާއިއެކު ޕައޯލީގެ ތަރި މެދު އުޑުގައި ފިޔަ ޖަހައި، އޭނާގެ ގިނަ ފިލްމުތަކެއް ފެނިގެންދާނެ ކަމަށް ގިނަ ބަޔަކު އުންމީދުކުރި ނަމަވެސް، ޕައޯލޯ ވަނީ ގެއްލިގެން ގޮސްފަ އެވެ. "ހޭޓް ސްޓޯރީ" ގެ ފަހުން ޕައޯލޯ "ގޭންގްސް އޮފް ގޯސްޓް" ކިޔާ އާދައިގެ ފިލްމަކުން ފެނިގެންގޮސްފައިވާއިރު، އެފިލްމުގެ ފަހުން އޭނާގެ ހަބަރެއް ވަނީ ނުވެފަ އެވެ. އަނބުރާ ފިލްމީ ދުނިޔެއަށް އޭނާ އަންނާކަމަށް ބޭނުމެއް ނުވެ އެވެ.
ޕާކިސްތާނަށް އުފަން މިބަތަލާ ބޮލީވުޑްގެ މަޝްހޫރު އެކްޓްރު އިމްރާން ހާޝިމީ އާއިއެކު "ރާޖާ ނަތްވަރިލަލް" އިން ބޮލީވުޑަށް އުފަންވުމާއިއެކު ހެން ވަނީ ގެއްލިގެން ގޮސްފަ އެވެ. މިފިލްމަށްފަހު ހުމެއިމާ އަށް ބޮލީވުޑާއި އިންޑިއާއިން އޭނާ ބަލއިގެންފަިއވާއިރު، އިތުރު ފިލްމަކުން އޭނާ ފެނިގެންގޮސްފައިނުވާތީ އެކަމާ ގިނަ ފަރާތްތަކަކުން ވަނީ ހައިރާންވެފަ އެވެ. ބޮލީވުޑްގެ ފިލްމަކުން ފެނިގެންދިއުމުގެ އިތުރުން ހުމެއިމާ ވަނީ ޕާކިސްތާނުގެ ފިލްމުތަކާއި މަޝްހޫރު ސީރީސްތަކުން ވެސް ފެނިގެންގޮސްފަ އެވެ.
ދެހާސް ތޭރަވަނަ އަހަރު ނިކުތް ޔާޝް ރާޖް ފިލްމްސްގެ "ޝުދް ދޭސީ ރޮމޭންސް" އަށް ބޮކްސް އޮފީހުގައި މާބޮޑު ތަރުހީބެއް ލިބިގެން ގޮސްފައި ނުވިޔަސް، އެފިލްމުން ބޮލީވުޑަށް ތައާރަފުވި ވާނީ ކަޕޫރަށް ވަނީ އެއަހަރުގެ އެންމެ މޮޅު އަލަށް ތައާރަފުވި ބަތަލާގެ އެވޯޑް ލިބިގެންގޮސްފަ އެވެ. ފިލްމަށް ބޮޑު ކާމިޔާބެއް ނުލިބުނު ނަމަވެސް ވާނީގެ އެކްޓިން އަށް ގިނަ ބަޔަކު ވަނީ ތައުރީފުކޮށްފަ އެވެ. މިފިލްމުގެ ކާމިޔާބީ އަށް ފަހު ވާނީ ފިލްމަކުން ފެނިގެންގޮސްފައި ނުވަިޔަސް ވަނީ ބައެއް އިޝްތިހާރުތަކުން ފެނިގެންގޮސްފަ އެވެ. މިފިލްމަށްފަހު ވާނީ ފެނިގެންގޮސްފައިނުވާއިރު، މިހާރުވެސް ގިނަ ފަރާތްތަކުން އޭނާގެ ފެނިލުމަކަށް އިންތިޒާރު ކުރާނެ ކަން ޔަގީނެވެ.
ބްރެޒިލަށް އުފަން ގިޒޭލް ބޮލީވުޑަށް ތައާރަފުވެގެން ގޮސްފައިވަނީ ސައިފް އަލީ ޚާން އާއިއެކު 'ލަވް އާޖް ކަލް" އިންނެވެ. މިފިލްމަށާއި ގިޒޭލް އަށް ތައުރީފު އޮހިފައިވާއިރު، ފިލްމުގެ ކާމިޔާބީ އާއިއެކު އޭނާ ވަނީ ބޮލީވުޑުން ގެއްލިގެން ގޮސްފަ އެވެ. މިފިލްމަށްފަހު ބޮލޯވުޑްގެ އެއްވެސް ހަފްލާއަކުން ވެސް ގިޒޭލް ފެނިގެންގޮސްފަ އެއް ނުވެ އެވެ. ސައިފް އާއި ދިޕިކާ އާއިއެކު މުހިންމު ރޯލުން ފެނިގެން ގޮސްފައިވާ ބަތަލާއިން އެމީހުންގެ ކާމިޔާބު ފެށުމަކަށްފަހު ގެއްލިގެން ގޮސްފައިވާ މިއީ ދެވަނަ ފަހަރެވެ.
ސައިފް އަލީ ޚާން އާއި ދިޕިކާ ޕަދުކޯން އާ އެކު ބޮލީވުޑަށް ތައާރަފު ވެގެން ގޮސްފައިވަނީ ބްލޮކްބާސްޓާ ފިލްމު "ކޮކްޓެއިލް" އިންނެވެ. މަޝްހޫރި ދެތަރިންނާއިއެކު ކާމިޔާބު ފިލްމަކުން އުފަންވި ޑަޔާނާ ވެސް ވަނީ މިފިލްމުގެ ކާމިޔާބީއާއެކު ގެއްލިފަ އެވެ. މިފިލްމުގެ ކާމިޔާބީއާއެކު ޑަޔާނާ ބައެއް އިޝްތިހާރުތަކުން ފެނިގެންގޮސްފައިވީ ނަމަވެސް އެއަށްފަހު އޭނާގެ ތަރި ވަނީ ގެއްލިގެންގޮސްފަ އެވެ. އެނބުރި ފިލްމީ ދުނިޔެއަށް އަންނާކަށް ޑަޔަނާ ބޭނުންވާހެނެއް ހިޔެއް ނުވެ އެވެ.
ބޮލީވުޑްގެ އެންމެ ނުފޫޒު ގަދަ އެއް އެކްޓަރު ސަލްމާން ޚާން އާއިއެކު "ޖެއި ހޯ" އިން ބޮލީވުޑަށް ތައާރަފުވި މިބަތަލާ އެފިލްމުގައި ފެނިގެންދިޔަ ރޯލު ކިތަންމެ ކުޑަ ނަމަވެސް އޭނާ ވަނީ ބެލުންތެރިންގެ ހިތުން ޖާގަ ހޯދާފަ އެވެ. ސަލްމާން ފަދަ ބޮޑު އެކްޓަރެއްގެ ފިލްމުގައި ބޮލީވުޑަށް ތައާރަފު ވިޔަސް އެފިލްމާއެކު ޑެއިޒީ ވެސް ވަނީ ބޮލީވުޑުން ގެއްލިފަ އެވެ.