"މޯލްޑިވްސް މެޑިކަލް އެންޑް ހެލްތް އެކްސްޕޯ 2019" ބާއްވާ ތާރީޚު ބަދަލުކޮށްފި އެވެ.
ރާއްޖޭގައި ބާއްވަމުންދާ ހަމައެކަނި އެނުއަލް ހެލްތް އެގްޒިބިޝަންކަމަށްވާ "މޯލްޑިވްސް މެޑިކަލް އެންޑް ހެލްތް އެކްސްޕޯ 2019" ބޭއްވުމަށް ހަމަޖެހިފައިވަނީ އޮކްޓޫބަރު 18، 19 އަދި 20 މި ތިންދުވަހު ދަރުބާރުގޭގައެވެ. - ކުރިން މި އެކްސްޕޯ ބޭއްވުމަށް ހަަމަޖެހިފައި އޮތީ އޮކްޓޫބަރު 3ވަނަ ދުވަހުން ފެށިގެން 5ވަނަ ދުވަހަށެވެ.
މެޑިކަލް އެކްސްޕޯ ބާއްވާ އެމްވީ މެޑިކަލްސް ބުނީ ކުރިން މި އެގްޒިބިޝަން ބޭއްވުމަށް ހަމަ ޖެހިފައިވާ ތާރީޚު ބަދަލު ކުރަންޖެހުނީ ރާއްޖެއާ ރާއްޖޭން ބޭރުގެ ގިނަފަރާތްތަކަކުން އެކަމަށް އެދުމާއި ގުޅިގެންކަމަށެވެ. އެމްވީ މެޑިކަލްސް އިން މި އަހަރުގެ އެގްޒިބިޝަންވެސް ބާއްވަނީ އިންޑިޔާގެ މެޑްލައިފް އޭޝިއާ ގުޅިގެންނެވެ.
މޯލްޑިވްސް މެޑިކަލް އެންޑް ހެލްތް އެކްސްޕޯގެ އަމާޒަކީ ދިވެހިރާއްޖޭގެ ސިއްހީ ދާއިރާ ކުރިއެރުވުމަށްޓަކައި، މިދާއިރާއިން ދުނިޔޭގެ ފެންވަރުގެ ޓެކްނޮލޮޖީއާއި ޚިދުމަތްތައް ދޭނެގޮތްތަކަށް ވިޔަފާރިތައް އަހުލުވެރިކުރުވުމާއި، އެފަދަ ޚިދުމަތްތައް ލިބިގަނެވޭނެ ގޮތްތައް ރައްޔިތުންނާ ހަމަޔަށް ފޯރުކޮށްދިނުމެވެ. މޯލްޑިވްސް މެޑިކަލް އެންޑް ހެލްތް އެކްސްޕޯ ވެގެންދާނީ، މި އެކްސްޕޯގައި ބައިވެރިވާ ރާއްޖެއާއި ރާއްޖޭން ބޭރުގެ ފަރާތްތަކަށް، އެފަރާތްތަކުން ދޭ ސިއްހީ ޚިދުމަތްތަކާއި ވިއްކާ ޕްރޮޑަކްޓްސްތަކުގެ މައުލޫމާތު ވިޔަފާރިތަކަށާއި އާންމު ފަރުދުންނަށް ފޯރުކޮށްދިނުމަށް ލިބޭނެ ރަނގަޅު ފުރުސަތަކަށްކަމަށް އެމްވީ މެޑިކަލްސް ބުނެއެވެ.
އާންމުންނަށް ހުޅުވާލައިގެން ކުރިއަށް ގެންދާ މި އެގްޒިބިޝަނަށް ހިލޭ ވަދެވޭނެއެވެ.
މެޑިކަލް އެންޑް ހެލްތް އެކްސްޕޯގައި ބައިވެރިވާ ފަރާތްތައް
- . ހޮސްޕިޓަލްސް/ކްލިނިކްސް
- • މެޑިކަލް ލެބްސް
- • ފާމަސޫޓިކަލްސް/ ފާމަސީ
- • ބިއުޓީކެއަރ / އޮޕްޓިކަލްސް
- • ފޫޑް އެންޑް ނިޔުޓްރިޝަން
- • ހެލްތް އިންޝުރެންސް
- • މެޑިކަލް އިންފޮމޭޝަން ޓެކްނޮލޮޖީ
- • ޓްރޭޑިޝަނަލް މެޑިސިން އަދި ސްޕާ
- • މެޑިކަލް ޓުއަރިސަމް ފެސިލިޓޭޓަރސް
- • ފިޓްނަސް ސެންޓަރސް