ކޮޅުވެއްޓިއެއްގައި މަސައްކަތް ކުރި ބަޔަކަށް ބޮޑެތި އަނިޔާތަކެއް ވެއްޖެ އެވެ.
ފުލުހުން މިރޭ ބުނީ އދ. ތުނޑިފުށި އައިލެންޑް ރިސޯޓްގައި އޮތް ކޮޅުވެއްޓިއެއްގައި މަސައްކަތް ކުރަމުންދިޔަ ތިން ބިދޭސީއަކަށް އަނިޔާވެގެން އދ. އަތޮޅު ހޮސްޕިޓަލުގައި ފަރުވާ ދެމުންދާ ކަމަށެވެ.
އެ މީހުންނަށް އަނިޔާވީ ކޮޅުވެއްޓީގެ ރޭމްޕް ހިއްލުމަށް ޗެއިން ބްލޮކް ބޭނުން ކުރިއިރު، އޭގެ އެއްފަޅި ފެއިލް ވެގެން ކަމަށެވެ. އެ ވަގުތު އެ މަސައްކަތު މީހުން ތިބީ ރޭމްޕް މަތީގައި ކަމަށާ އެ މެޝިނަރީޒް ފެއިލް ވުމުން ތިން މީހުންވެސް ވިއްސައިގެން ގޮސް ކޮޅުވެއްޓީގެ ބައެއްގައި ޖެހިފައިވާ ކަމަށެވެ.
މި ހާދިސާގައި އެކެއްގެ އިނގިލިތައް ޗިސްވެ، އަނެއް ދެ މީހުންގެ ބޮލަށް ވަރަށް ބޮޑަށް އަނިޔާވެފައިވާ ކަމަށް ފުލުހުން ބުނެ އެވެ. ބޮލަށް އަނިޔާ ލިބުނު ދެ މީހުން އިތުރު ފަރުވާއަށް މާލެ ގައުމުގެ މަސައްކަތް މިހާރު ކުރަމުންދާ ކަމަށްވެސް ފުލުހުން ބުންޏެވެ.
މި ހާދިސާ ފުލުހުން ގެންދަނީ އިތުރަށް ތަހުގީގު ކުރަމުންނެވެ.