ހަބަރު

ވެހިކަލްތަކެއްގައި ރޯކޮށްލުމުގެ ތުހުމަތަށް މީހަކު ހައްޔަރުކޮށްފި

ހދ. ކުޅުދުއްފުށީގެ ގެއެއްގައި ރޯކޮށްލި މައްސަލާގައި މީހަކު ހައްޔަރު ކޮށްފައިވާ ކަމަށް ފުލުހުން ބުނެފި އެވެ.

މި މަހުގެ 22 ވަނަ ދުވަހުގެ ރޭ ކުޅުދުއްފުށީ ކަކާގޭގައި ހުރި ސައިކަލެއްގައި ރޯވުމުން ފުލުހުން އެ ސަރަހައްދަށް ދިޔަަ އިރު ސައިކަލުގެ އިތުރުން އެ ގޭގެ އަސްކަނިގެ ސީލިންގާއި ރަށު ޕިކަޕެއްގައި ރޯވެ އަނދާފައިވާ ކަމަށެވެ.

އެ ހާދިސާގައި އަލިފާން ނިއްވާލ،ީ އެމްއެންޑީއެފްގެ ފަޔާ އެންޑް ރެސްކިއު އިން ނެވެ.

އެ ހާދިސާއަކީ ގަސްދުގައި ރޯކޮށްލުމުގެ ސަބަބުން ހިނގި ހާދިސާއެއްކަމަށް ބެލެވޭ ކަމަށް ފުލުހުން މީގެ ކުރިން ވަނީ ބުނެފަ އެވެ.

ފުލުހުން މިއަދު ބުނި ގޮތުގައި، އެ ހާދިސާއާ ގުޅިގެން ކޯޓު އަމުރެއްގެ ދަށުން މިދިޔަ ހޯމަ ދުވަހު 30 އަހަރުގެ ފިރިހެނެއް ހައްޔަރުކޮށްފައިވާ ކަމަށެވެ.

އަދި ކުޅުދުއްފުށި މެޖިސްޓްރޭޓް ކޯޓުން އެމީހާގެ ބަންދަށް ހަތް ދުވަސް އިތުރުކޮށްދީފައިކަމަށް ފުލުހުން އިތުރަށް ބުންޏެވެ.