އަމީތާބް ބައްޗަން އާއި އަޔުޝްމާން ކުރާނާގެ "ގުލާބޯ ސިޓާބޯ" އަންނަ އަހަރުގެ ފެބްރުއަރީ މަހު ރިލީޒްކުރާ ގޮތަށް ހަމަޖެހިއްޖެ އެވެ. ކުރިން މި ފިލްމު ރިލީޒްކުރާ ތާރީޚަކަށް ހަމަޖެހިފައި އޮތީ އަންނަ އަހަރުގެ އެޕްރީލް މަހުގެ 24 ވަނަ ދުވަހެވެ.
ފިލްމު އުފައްދާ ފަރާތުން މިހާރު ވަނީ ފިލްމުގެ ފުރަތަމަ ފޮޓޯ ސޯޝަލް މީޑިއާގައި ޝެއާ ކޮށްފަ އެވެ. މި ފޮޓޯގައި އަމީތާބުގެ ސިފަ ބަދަލުކޮށްފައި ހުރި ވަރުން އެއީ އަމީތާބުކަން ދެނެގަންނަން ވެސް އުނދަގުލެވެ. އަދި އަޔުޝްމާން ވެސް ހުރީ ވަރަށް ކުރީ ޒަމާނުގެ ގޮތަކަށެވެ.
ގުލާބޯ ސިޓާބޯ އަކީ ވަރަށް ކުރީ ޒަމާނުއްސުރެ އިންޑިޔާގައި ކިޔަމުންދާ ފޯކްލޯ އެކެވެ. މި ވާހަކަ ކިޔައިދެނީ ދެ ބުދުގައި ވާ ޖަހައިގެން އެ ބުދުތަކުން ތަމްސީލު ކުޅުވައިގެންނެވެ.
ކޮމެޑީ މި ފިލްމު އުފައްދާފައިވަނީ މި ދެ ބުދުގެ ކެރެކްޓާގެ ވާހަކައަކުންނެވެ.
"ގުލާބޯ ސިޓާބޯ" ޑައިރެކްޓް ކުރަނީ ޝޫޖިތު ސިރްކާރް އެވެ. ފިލްމުގެ ވާހަކަ ލިޔެފައިވަނީ ޖޫހީ ޗަތުރަވޭދީ އެވެ. ޖޫހީ އަކީ ޝޫޖިތުގެ "ޕީކޫ"ވެސް ލިޔުނު ލިޔުންތެރިޔާ އެވެ.
އަޔުޝްމާން ދީފައިވާ އިންޓަވިއު އެއްގައި ބުނި ގޮތުގައި މި ފިލްމުގައި ބައިވެރިވަނީ ޑްރީމް ޓީމެކެވެ. މިއީ އަޔުޝްމާން އާއި އަމީތާބު އެކުގައި ސްކްރީނުން ފެންނާނެ ފުރަތަމަ ފިލްމެވެ.
ފިލްމުގައި އުޅެނީ ހުނަރުވެރި އެކްޓަރުން ތަކަކަށް ވެފައި ފިލްމު އުފެއްދުމުގައި ވެސް އުޅެނީ ވަރަށް މޮޅު ފަންނާނުން ތަކަކަށް ވާތީ މި ފިލްމާ ދޭތެރޭ ބެލުންތެރިންގެ ވަރަށް ބޮޑު އުންމީދެއް އެބައޮތެވެ.
ފިލްމުގައި އަމިތާބައި އަޔުޝްމާން