ވިޔަފާރި

މުވައްޒަފުންނަށް ބޯނަސް ނުދޭ ސަގާފަތަށް ވަރުގަދަ "ޖަވާބު"އެއް

Dec 15, 2019
9
ޖަވާބު ކުންފުނީގެ މުވައްޒަފުންނަށް ބޯނަސް ދިން ކަމުގެ ލިޔުން ހަވާލު ކުރަނީ- ފޮޓޯ: ޖަވާބު
75%
25%
0%

މުވައްޒަފުންނަށް ބޯނަސް ދިނުމަކީ ދުނިޔޭގެ އާ ކަމެއް ނޫނެވެ. އެކަމަކު މިއީ ރާއްޖޭގައި އެހާ އާއްމު ކަމެއް ނޫނެވެ. ރާއްޖޭގެ އެންމެ ބޮޑެތި މަހުޖަނުން ހިންގާ ކުންފުނިތަކުގެ ތެރެއިން ވެސް މުވައްޒަފުންނަށް ބޯނަސް ބަހަނީ މަދު ބަޔެކެވެ. އެކަމަކު 2017 ވަނަ އަހަރު އުފެދުނު "ޖަވާބު" ކުންފުނިން މި ވަނީ ބޯނަސް ނުދޭ ކުންފުނިތަކަށް މި އަހަރު ވަރުގަދަ ޖަވާބެއް ދީފަ އެވެ. މި ކުންފުނީގެ މުވައްޒަފުންނަށް ބޯނަސް ދީ އެކަން ވަނީ އާއްމުކޮށްފަ އެވެ.

"ބުރަކޮށް މަސައްކަތް ކުރާ މުވައްޒަފުންގެ އަގު ވަޒަން ކުރަން ޖެހޭ. އެ ބޭނުމުގައި އަޅުގަނޑުމެން ބޯނަސް ދޭން ނިންމީ. ބޭނުން ވަނީ ކުންފުންޏަށް ލިބޭ ކުރިއެރުން މުވައްޒަފުންނާ ހިއްސާ ކުރުން،" ޖަވާބު ކުންފުނީގެ، މެނޭޖިން ޑިރެކްޓަރު އަދި ސީއީއޯ، މުހައްމަދު ޖައިލަމް ވިދާޅުވި އެވެ.

ބޯނަސް ދީ، ކުންފުނިން ޖަވާބު ދިން އިރު، މި ކުންފުނީގެ މަސައްކަތަކީ ކޮބައި ހެއްޔެވެ؟

"ޖަވާބު" ގެ މައިގަނޑު މަސައްކަތަކީ ވެބްސައިޓް ޑިވްލޮޕް ކުރުމާއި އައިޓީއާ ގުޅުންހުރި ބައެއް މަސައްކަތްތައް ކުރުމެވެ. މި ދާއިރާގައި މި ކުންފުނި ކުޑަނަމަވެސް، އެ ކުންފުނިން ވަނީ ވޭތުވެ ދިޔަ ދުވަސްތަކުގައި ގިނަ ކުރިއެރުންތަކެއް ވަނީ ހޯދާފަ އެވެ. މިގޮތުން ސަރުކާރުގެ އޮފީސްތަކުގެ ވެބްސައިޓްތަކާއި ޕޯޓަލްތައް ހެދުމުގެ ގިނަ މަސައްކަތް ތަކެއް ކޮށްފައިވެ އެވެ. ޖަވާބަށް މައިގަނޑު އާމްދަނީ ލިބެނީ މި މަސައްކަތުންނެވެ. އެގޮތުން މި ކުންފުނިން ވަނީ ޖޮބް ސެންޓަރުގެ ޕޯޓަލް އާއި ފިޝަރީޒް މިނިސްޓްރީގެ ދެ ޕޯޓަލްގެ އިތުރުން އީޓުކުރި ވެބްސަޓާއި މި ނޫން ވެސް ބައެއް ސައިޓުތައް ހަދާފަ އެވެ. މީގެ އިތުރުން ވިޒިޓް މޯލްޑިވްސްގެ ސައިޓެއްގެ މަސައްކަތް ވެސް އެ ކުންފުނިން ވަނީ ފަށާފަ އެވެ.

"ޖަވާބު" ކުންފުނީގެ އެމްޑީ ޖައިލަމް ވިދާޅުވި ގޮތުގައި ކުންފުނި ކުޑަނަމަވެސް އަދި ލިބޭ އާމްދަނީ ކުޑަނަމަވެސް މުވައްޒަފުން ކުރާ މަސައްކަތުގެ އަގު ވަޒަން ކުރަން ޖެހޭ ކަމަަށެވެ.

"ބޭނުންވަނީ މި ޑައިލޮގް [ބޯނަސް ބެހުމުގެ] ރާއްޖޭގައި ފަށަން. ކޮންމެ އަހަރެއް ނިންމާފަ، މުވައްޒަފުންނަށް ބޯސް ދޭން ފަށަން. އެހެންވެ މި ފެށީ،" ޖައިލަމް ވިދާޅުވި އެވެ.

"ޖަވާބު" ކުންފުނީގައި ހަ މުވައްޒަފުން މަސައްކަތް ކުރެ އެވެ. މި ހުރިހާ މުވައްޒަފުންނަކީ ވެސް ދިވެހިންނެވެ. މީގެތެއިން ކޮންމެ މުވައްޒަފަކަށް ބޯނަހުގެ ގޮތުގައި 10،000ރ. މި އަހަރު ދިނެވެ. އެހެންވެ، ޖަވާބު ކުންފުނިން މި ދިނީ ވަރުގަދަ މެސެޖެއް ކަމަށް ބުނަން ފުރުސަތު އެބައޮތެވެ. ރާއްޖޭގައި މުވައްޒަފުންނަށް ބޯނަސް ނުދީ ތިބި ބޮޑެތި ކުންފުނިތަކަށް ޖަވާބު ދިނީ މުވައްޒަފުންނަށް ބޯނަސް ދީގެންނެވެ.

9 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ޭައ

ބޯނަސް ކިހިނެއް ދެވޭނީ. މިއުޅެން ޖެހެނީ މަހުގެ މެދައްދާއިރުވެސް މުސާރަ ނުދެވިގެން

ޗަކޮއި

ސާބަސް ތިޔައީ ހަމަ ނަމޫނާ އެއް.އަޅުގަނޑު މަސައްކަތް ކުރާ ކުންފުނި އެމް އޭސީއެލް އިން ދެނީ އަސާސީ މުސާރަ އެކަނި. ދެން މިހެން ލިޔެގެން ވެސް ވާނީ ގޯސް.

ޙެހެ

ރާއްޖޭގެ ބައެއް ބޮޑެތި ކުންފުނިތަކުން ބޯނަސްގެ ގޮތުގަ މުސާރައިގެ 5ގުނަ ޕަރފޮމަންސް އަށް ބަލާފަ ދީއުޅޭ.

ހާލިދު

ތިކަމުގަވެސް މިގައުމުގަ އޮންނާނީ ކޮރަޕްޝަން

ރަމީން

މިހާރުވެސް އުޅޭ ވަރަށް ރަނގަޅައް ބޯނަސް ދޭތަންތަން

ރާނީ

ތިހެންވީރު ދެން، ކުއްޔައް ދޭ ގޭގެއިންވެސް އަހަރަކު އެއްފަހަރު ފައިދާ ގެ ބައެއް ބަހަންވީއެންނު ކުއްޔައް އުޅޭ މީހުންނައް

ފީކޮއޮ

ހޫ، ތިކަހަލަ ރާނީމެނަށް ދުނިޔެ ނޭގެނީސް ކައްޕިކަމައް އަރާތީ ކުރިއަށް ނުކަނޑަނީ. މާނައަކީ ވިސްނުންކޮށިކަމާއި ނާގާބިލުކަން!(ވާނުވާ ނޭގުން) ދޭ ކިޔަވަން!!

ރާޖާ

ރާނީ އަށް ބިޒްނަސް މެނޭޖް މަންޓް ކޯހެކަށް ވައްދަން ފޯމުނަގައިދީފާނަން. އޭރުން ތިކަހަލަ ކޮސްސުވާލުނުކުރާނެ

ހަލީމް

ނުވާނެ މިކަމެއް ރާއްޖޭގަ، މުއްސަނދިން އެހޭ ދަހި، ޓެކްސް ކޮޅެއް ދައްކައް ޖެހުނީމަވެސް ކަންބޮޑުވޭ

April
SunMonTueWedThuFriSat
303112345678910111213141516171819202122232425262728293012345678910