ޝަހީދު އަލީ މިސްކިތުގައި ދުވަސްވީ މީހަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނީ މިއަދު ހެނދުނު 11:12 އެހާކަންހާއިރު ލޮނުޒިޔާރަތް މަގުގައި ހުންނަ ޝަހީދު އަލީ މިސްކިތު ތެރެއަށް އުމުރުން ދުވަސްވީ ދިވެހި ފިރިހެނަކު ވެއްޓިފައި އޮއްވާ އޭނާ ނަގައިގެން ހޮސްޕިޓަލަށް ގެންގޮސްފައިވާ ކަމަށެވެ.
އަދި އައިޖީއެމް ހޮސްޕިޓަލަށް އެ މީހާ ގެންދިޔައިރުވެސް މަރުވެފައިވާ ކަމަށް އޭނާ ބެލި ޑޮކްޓަރުންނާ ހަވާލާދީ ފުލުހުން ވަނީ ބުނެފައެވެ. މިސްކިތުގައި މަރުވެފައި އޮއްވާ ފެނިފައިވަނީ އުމުރުން 83 އަހަރުގެ މީހަކެވެ.
"މިކަމުގައި ފުލުހުން ބަލަންޖެހޭ ކަންކަން ދަނީ ބަލަމުން."
ޝަހީދު އަލީ މިސްކިތުގައި މަރުވެފައި އޮއްވާ ފެނުނި މީހާއަކީ އަބަދުވެސް އެ މިސްކިތަށް ނަމާދަށް ދާ މީހެއް ކަމަށް އެ ވަގުތު އެ ސަރަހައްދުގައި ހުރި މީހަކު އަވަސްއަށް މައުލޫމާތު ދެމުން ބުނެފައިވެއެވެ.