ކުޅުދުއްފުށި ދާއިރާތައް ކަނޑައެޅުން އަންނަ ހަފުތާގައި އެ ސިޓީގައި

ކުޅުދުއްފުށި ދާއިރާތައް ކަނޑައެޅުން އަންނަ ހަފުތާގައި އެ ސިޓީގައި ބާއްވަން އިލެކްޝަންސް ކޮމިޝަނުން ނިންމައިފި އެވެ.

ކޮމިޝަނުން މިއަދު ބުނީ ކުޅުދުއްފުށީ ސިޓީގެ އިންތިހާބީ ދާއިރާތައް އިއުލާނު ކުރުމާއި، އަންހެން މެންބަރުން އިންތިހާބުކުރާނެ ދާއިރާތައް ކަނޑައެޅުމަށްޓަކައި ބާއްވާ ގުރު ނެގުން އަންނަ ހަފުތާގައި ބާއްވާނެ ކަމަށެވެ.

އެ ގުރުނެގުން ބާއްވަނީ ކުޅުދުއްފުށި ސިޓީގަ އެވެ.

އަންނަ އޭޕްރީލް މަހުގެ ހަތަރުވަނަ ދުވަހު ބާއްވާ ކައުންސިލް އިންތިހާބުގައި ހަތަރު ސިޓީއަކަށް މެންބަރުން އިންތިހާބު ކުރާއިރު އައްޑޫ ސިޓީ، ފުވައްމުލަށް ސިޓީ އަދި މާލެ ސިޓީގެ ދާއިރާތަކާއި، އަންހެނުންނަށް ހާއްސަ ގޮނޑިތައް މިހާރު އިލެކްޝަންސް ކޮމިޝަނުން ވަނީ ކަނޑައަޅާފަ އެވެ.

ކުޅުދުއްފުށި ސިޓީގެ ދާއިރާތަކާއި ގޮނޑިތައް ކަނޑައެޅުން ފަސްވީ އެ ރަށައް ސިޓީއެއްގެ ދަރަޖަ ދިނުން ސަރުކާރުން ފަސް ކުރުމާއި ގުޅިގެންނެވެ. ކުޅުދުއްފުށި ސިޓީއަކަށް ބަދަލުކޮށްފައި ވަނީ މިމަހުގެ ފުރަތަމަ ދުވަހު އެވެ.

ކުރިން އިލެކްޝަންސް ކޮމިޝަނުން އާންމުކުރި އިންތިހާބީ ދާއިރާތަކަށް ދީފައިވާ ނަންތަކާމެދު އައްޑޫގެ ރައްޔިތުން ކަންބޮޑުވުން ފާޅުކުރުމާއި ގުޅިގެން އެ ނަންތަކަށްވެސް އިލެކްޝަންސް ކޮމިޝަނުން ވަނީ ބަދަލުގެނެސްފަ އެވެ.

އައްޑޫ ސިޓީގެ ދާއިރާތައް

މާލެ ސިޓީގެ ދާއިރާތައް

ފުވައްމުލަކު ސިޓީގެ ދާއިރާތައް