މަޓްކާ ފެއާގައި ރާއްޖެއިން ބައިވެރިވެއްޖެ

ފިންލޭންޑުގެ ހެލްސީކީގައި ކުރިއަށްދާ މަޓްކާ ފެއާގައި ރާއްޖެ އިން ބައިވެރިވެއްޖެ އެވެ.

މޯލްޑިވްސް މާކެޓިން އެންޑް ޕީއާރު ކޯޕަރޭޝަން (އެމްއެމްޕީއާރުސީ) އިން ބުނީ މަޓްކާ ފެއާގައި ރާއްޖޭގެ ފަރާތުން ހަތް ކުންފުންޏަކުން 11 މީހުން ބައިވެރިވެފައިވާ ކަމަށެވެ.

އެ ކުންފުނިން ބުނީ ނޮދަން ޔޫރަޕަށް ހާއްސަކޮށް ބާއްވާ އެންމެ ބޮޑު ފެއާގެ ސަބަބުން ޓޫރިޒަމް ދާއިރާގައި ހަރަކާތްތެރިވާ ފަރާތްތަކާއެކު އެ ސަރަހައްދުގައި ހަރަކާތްތެރިވާ ފަރާތްތަކާ ގުޅުން ބަދަހި ވެގެންދާނެ ކަމަށެވެ. އަދި މި ސަރަހައްދުގެ އިތުބާރު ހިލޭ މީޑިޔާތަކަށް ރާއްޖެއާ ބެހޭ ގޮތުން މައުލޫމާތު ދިނުމަށް މަގު ވެސް ފަހި ވެގެންދާނެ ކަމަށް އެމްއެމްޕީއާރުސީ އިން ބުނެފައިވެ އެވެ.

އެމްއެމްޕީއާރުސީ އިން ބުނީ މި ފެއާ އަށް ހާއްސަކޮށް ރާއްޖެ އިން ފަރުމާކޮށްފައިވާ ސްޓޯލުގައި ތަފާތު ހަރަކާތްތަކާއެކު، ރާއްޖޭގައި ޗުއްޓީ ހޭދަކޮށްލުމުގެ ފުރުސަތު ވެސް ދޭނެ ކަމަށެވެ.

މި އަހަރުގެ މަޓްކާ ފެއާގައި 90 ގައުމަކުން 934 ގައުމުން ބައިވެރިވެ އެވެ.

މިދިޔަ އަހަރު މި ފެއާ ބޭއްވި ސަރަހައްދުން 57،370 މީހުން ޒިޔާރަތް ކޮށްފައިވެ އެވެ.