ހަބަރު

ފިލި ގައިދީ ހައްޔަރުކޮށްފި

ޓެސްޓުތަކެއް ހައްދަން އައިޖީއެމްއެޗްއަށް ގެންދިޔުމުން ފިލި ގައިދީ ހޯދައި ހައްޔަރުކޮށްފި އެވެ.

މިއަދު ހެނދުނުގެ ވަގުތެއްގައި ހޮސްޕިޓަލަށް ގެންދިޔުމުން ފިލާފައި ވަނީ އުމުރުން 24 އަހަރުގެ އައިސަރު ނަސީމް އެވެ. މޯލްޑިވްސް ކަރެކްޝަނަލް ސާވިސް އިން ބުނީ މިއަދު 2:10 ގައި ފުލުހުންގެ އެހީތެރިކަމާއެކު އޭނާ ހައްޔަރުކޮށްފައިވާ ކަމަށެވެ.

ނަސީމްއަކީ މަސްތުވާތަކެތީގެ މައްސަލައެއްގައި ހުކުމް ތަންފީޒު ކުރަމުން އަންނަ މީހެކެވެ. އޭނާ އައިޖީއެމްއެޗްއަށް ގެންދިޔުމުގެ ކުރިން ހުރީ މާލެ ޖަލުގައި ބަންދުކޮށްފަ އެވެ.