ދިވެހިރާއްޖެ ސިއްހީ ކުއްލި ނުރައްކަލުގެ ހާލަތުގައި
NUMBER OF CASES
ހަބަރު

މާލޭއިން ބަންގްލަދޭޝް މީހަކު ޕޮޒިޓިވްވެއްޖެ

މާލޭ ސިޓީގައި ކޮވިޑް-19 އަށް ޕޮޒިޓިވްވި މީހުންގެ އަދަދު 12 އަކަށް އަރައިފި އެވެ. އެޗްޕީއޭއިން ހާމަކުރި ގޮތުގައި އަލަށް ޕޮޒިޓިވްވެފައިވަނީ ބަންގްލަދޭޝް މީހެކެވެ. މިއީ މާލެ ތެރެއިން ކޮވިޑް-19 އަށް ޕޮޒިޓިވްވި ފުރަތަމަ ބިދޭސީ މިހާ އެވެ. މި ބަންގްލަދޭޝް މީހާއަކީ މިއަދު ހެނދުނު ޕޮޒިޓިވްވި ޕޭޝަންޓް 30އާ ކޮންޓެކްޓްވި މީހެކެވެ.

މާލެ ސިޓީއިން އެންމެ ފުރަތަމަ ކޮވިޑް-19 އަށް ޕޮޒިޓިވްވި ޕޭޝަންޓް 21 އަކީ އެއްވެސް ޓްރެވެލް ހިސްޓްރީއެއް އޮތް މީހެއް ނޫނެވެ. އޭނާގެ ތުއްތު ދަރިފުޅު ވެސް ވަނީ ބައްޔަށް ޕޮޒިޓިވްވެފަ އެވެ. އެއީ ޕޭޝަންޓް 22 އެވެ. ތިންވަނައަށް ޕޮޒިޓިވްވި ޕޭޝަންޓް 23 އަކީ ވެސް ޕޭޝަންޓް 21 އާ ޑައިރެކްޓް ކޮންޓެކްޓްވި މީހެކެވެ.

އޭގެ ފަހުން ޕޭޝަންޓް 23އާ ކޮންޓެކްޓްވި ދެ މީހަކު ކޮވިޑް-19 އަށް ޕޮޒިޓިވްވި އެވެ. ޕޭޝަންޓް 24 އާއި ޕޭޝަންޓް 25 އެވެ. އިއްޔެ ހެނދުނު ޕޮޒިޓިވްވި ޕޭޝަންޓް 26 އަކީ ވެސް ޕޭޝަންޓް 23 ގެ ކޮންޓެކްޓެކެވެ. އެއަށްފަހު ޕޮޒިޓިވްވި ޕޭޝަންޓް 27 އާއި ޕޭޝަންޓް 28، އޭގެ ކުރިން ޕޮޒިޓިވްވި އެއްވެސް މީހަކާ ގުޅުމެއް ނެތެވެ.

މީގެތެރެއިން ޕޭޝަންޓް 27 އާ ސީދާ ކޮންޓެކްޓްވި މީހަކު ވަނީ ވައިރަހަށް ޕޮޒިޓިވްވެފަ އެވެ. އަދި ހެނދުނު ވެސް ދެ މީހަކު ޕޮޒިޓިވްވެފައިވާއިރު އޭގެ ތެރެއިން އެކަކަކީ (ޕޭޝަންޓް 30)އަކީ ޕޭޝަންޓް 27 އާ ޑައިރެކްޓް ކޮންޓެކްޓްވި މީހެކެވެ. އަދި އަނެއް މީހާއަކީ (ޕޭޝަންޓް 31) އަކީ ޕޭޝަންޓް 28 އާ ޑައިރެކްޓް ކޮންޓެކްޓްވި މީހެކެވެ.

އިއްޔެ ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގު ވިދާޅުވީ ޕޭޝަންޓް 27 އާއި ޕޭޝަންޓް 28 އަކީ އެއްވެސް ޕޮޒިޓިވްވި މީހަކާ ކޮންޓެކްޓް ނެތް މީހަކަށްވުމުން އެނގިގެން ދަނީ މުޖުތަމައުގެ ތެރޭގައި ބަލި ފެތުރެމުންދާ ކަމެވެ. އެމީހުން ބަލި ޖެހުނު ގޮތް ވެސް ހޯދަމުންދާ ކަމަށް ވިދާޅުވި އެވެ. ޑރ. ނަޒްލާ ވިދާޅުވީ މިހާރު މާލޭގައި ކޮވިޑް-19 ޖެހިފައިވާ މީހުންގެ ތިން ކްލަސްޓާއެއް އެބަ އޮތް ކަމަށެވެ. މި ނުރައްކާތެރި ހާލަތެއް ކަމަށެވެ.

ޑރ. ޝީނާ މޫސާ ވިދާޅުވީ މިހާތަނަށް ފެނުނީ މަދު ކޭސްތަކެއް ނަމަވެސް އެމީހުންގެ ކޮންޓެކްޓްރޭސިން ހުރި ގޮތަށް ބަލާއިރު މިހާރު ދެނެގަނެވިފައިވާ މީހުންގެ ހަ ގުނަ މީހުންނަށް ބަލި ޖެހިފައިވާނެ ކަމަށް ބެލެވޭ ކަމަށެވެ. ޑރ. ޝީނާ ވިދާޅުވީ އެ އަަަދަދު 100 އާ ހަމަކުރާނެ ކަމަށް ގަބޫލު ކުރެވޭ ކަމަށެވެ.

މި ހާލަތާ ގުޅިގެން މާލެ ސަރަހައްދު ވަނީ ގެއިން ބޭރަށް ވެސް ނުނިކުމެވޭ ގޮތަށް 14 ދުވަހަށް ލޮކްޑައުން ކޮށްފަ އެވެ. އަދި މުޅި ރާއްޖެ ވެސް އެއް ރަށުން އަނެއް ރަށަށް ދަތުރު ނުކުރެވޭ ގޮތަށް ވަނީ ލޮކްޑައުންއަކަށް ގެނެސްފަ އެވެ.