މާދަމާ ރޭ ހިފާ ހަނދުކޭތައާއި ގުޅިގެން ކޭތަ ނަމާދު ކުރުން އޮންނާނެ ކަމަށް އިސްލާމިކް މިނިސްޓްރީން ބުނެފި އެވެ.
އެ މިނިސްޓްރީން މިރޭ ބުނީ ހަނދުކޭތަ ހިފަން ފަށާނީ މާދަމާ ރޭ 22:45 ގައި ކަމަށާ ކޭތަ އެންމެ ބޮޑަށް ހިފާފައި ހުންނާނީ 00:24 ގައި ކަމަށެވެ. ހަނދުކޭތަ ވީއްލާނީ 02:04 ގައެވެ.
މިއީ ފަނޑުހިޔަނީގެ ކޭތައަކަށްވުމުން ކޭތަފާޅުވާނީ ވަރަށް ކުޑަކޮށެވެ.
މި ކޭތައާއި ގުޅިގެން ކޮންމެ ރަށެއްގައިވެސް ހުންނަ އެންމެ ބޮޑު މިސްކިތުގައި މާދަމާ ރޭ 00:15 ގައި ކޭތަ ނަމާދު ކުރުން އޮންނާނެ ކަމަށް އިސްލާމިކް މިނިސްޓްރީން ބުންޏެވެ.
އިސްލާމިކް މިނިސްޓްރީން ވަނީ ކޭތަ ނަމާދު ކުރެވޭނެ އިންތިޒާމް ހަމަޖެއްސުމަށް ކައުންސިލްތަކަށް އަންގާފައެވެ.