ހަބަރު

ޖިންސީ ކުށްތައް ލުހެލަން އެންމެން އުޅެން ޖެހޭ: މައުމޫން

ކުރީގެ ރައީސް މައުމޫން އަބްދުލް ގައްޔޫމް -- ފޮޓޯ: އަވަސް ފައިލް
0%
100%
0%

އަންހެނުންނަށް ކުރާ ޖިންސީ ގޯނާގެ މައްސަލަތައް އިތުރުވަމުންދާތީ މުޖުތަމައުން އެފަދަ އަމަލުތައް މުޅިން ލުހެލުމަށް ޓަކައި އެންމެން ވަރުގަދަ މަސައްކަތްތަކެއް ކުރަން ޖެހޭ ކަމަށް ސަރުކާރު ކޯލިޝަންގެ އެއް ލީޑަރު، ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެ އެވެ.

ރައީސް ‏މައުމޫން ކުރެއްވި ޓްވީޓެއްގައި ވިދާޅުވީ އަންހެން ކުޑަ ކުދިންނާއި އަންހެނުންނަށް ޖިންސީ ގޯނާކުރުމުގެ މައްސަލަތައް އިތުރުވަމުން ދިއުމަކީ ނިހާޔަތަށް ކަންބޮޑުވާންޖެހޭ ކަމެއް ކަމަށެވެ. އެއީ އިސްލާމް ދީނުގައި ކަނޑައެޅިގެން ހަރާމް އަދި އިޖުތާއީ ގޮތުން ހުތުރުކަން ބޮޑު ލާއިންސާނީ އަމަލެއް ކަމަށް ޓްވީޓުގައިވެ އެވެ.

"މި ކަން މުޖުތަމައުން މުޅިން ލުހެލުމަށް ޓަކައި އެންމެން ވަރުގަދަ މަސައްކަތްތަކެއް ކުރަން ޖެހޭ،" ރައީސް އޮފީހާއި ޖެންޑާ މިނިސްޓްރީއާއި ފުލުހުންނާއި ޕްރޮސެކިއުޓާ ޖެނެރަލްގެ އެކައުންޓް ޓެގްކުރައްވައި ރައީސް މައުމޫން ކުރެއްވި ޓްވީޓުގައިވެ އެވެ.

އަންހެންނަށް ޖިންސީ ގޯނާ ކުރުމުގެ މައްސަލަތަކާ ގުޅޭ ގޮތުން ރައީސް މައުމޫން މިއަދު ދެ ޓްވީޓެއް ކުރެއްވިއިރު، ފަހަކަށް އައިސް ޖިންސީ ގޯނާގެ މައްސަލަތައް ދަނީ އިތުރުވަމުންނެވެ. މިފަދަ ބައެއް މައްސަލަތަކުގައި ހައްޔަރު ކުރެވޭ މީހުން ދޫވެގެން ދާތީ މުޖުތަމައުގެ ތެރޭގައި އާންމުންގެ ކަންބޮޑުވުން ވެސް އިތުރުވެގެން ގޮސްފައިވެ އެވެ.

ދާދި ފަހަކުން ހުޅުމާލެ ފަޅުގައި އޮތް ސަފާރީއެއްގައި ބިދޭސީ އަންހެނަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލާގައި ހައްޔަރު ކުރި ދެ މީހަކު ކުއްލި ގޮތަކަށް ދޫކޮށްލުމުން، އެ މައްސަލައިގެ ތެރެއަށް "ސިޔާސީ ނުފޫޒު" ވަދެފައިވާ ކަމުގެ އަޑުތައް ގަދަ އެވެ.

މި މައްސަލައަށް ފަހުގައި ރޭޕް ކުރުމާއި ޖިންސީ ގޯނާއި ޖިންސީ ފުރައްސާރަ ކުރުމާއި ދެކޮޅަށް އިޖްތިޖާޖް ކުރުމާއި އެއްވުންތައް ވެސް ދަނީ ގިނަވަމުންނެވެ. އިއްޔެ ވެސް މާލޭގައި ރޭޕް ކުރުމާއި ޖިންސީ ގޯނާއާ ދެކޮޅަށް އެއްވެފައިވެ އެވެ. ފުލުހުންގެ ބިލަކާ ގުޅޭ ގޮތުން ހިޔާލު ހޯދަން މަޖިލީހުގެ އިދާރާގައި ބޭއްވި ބައްދަލުވުމަށް ވަން ބަޔަކު ވެސް ޖިންސީ ގޯނާއާ ދެކޮޅަށް އަޑު އުފުލައި އިހުޖިޖާޖް ކޮށްފައިވެ އެވެ.

5 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ސާބަހޭޚަވާޖާ

އދި އެޅޭނެ އެއްފިޔަވަޅު. ބައެއް އަންހެނުން މޮޅުވާންވެގެން ނޫނީ ބޭނުންހާ އެއްޗެއް ނުލިބޭތީ ނޫނީ އަންހެންމީހާގެ ތިމާގެމީހުންނަށް ގޭން ބައެއްނުދީގެން ފިރިމީހާޔާ އެކީ ކުރަންޖެހޭ ބައެއް ކަންކަންނުކުރީމާވެސް ރޭޕިސްޓުން އުފެދޭ. އެއީ ނަފްސާނީ ކަމެއް. ފިރިހެނުން އަންހެނުންދެކެ ޒާތެއްގެ ރުޅިޔެއް އަންނަނީ. ދެން ވަނީ ރޭޕިސްޓުންނަށް.

ކިލޯ

ގޯސްކަންތަށް އެންމެ ފަސޭހައިން އެންމެ އަވަހަށް ހުއްޓޭނީ އެއަމަލު ކުރާމީހުން އެކަން ހުއްޓާލާ އެމީހުންގެ ގައިގާ ދުރޫސުލް އަހުލާޤުގެ މަތިވެރި ސިފަ އަށަގެނުވައި ތައުބާވެ ހެޔު ސޯލިހު ޢަމަލުކުރުން ގިނަކޮށްގެން ﷲ ދުވާދަންނަވަންވީ ނުބައިކަމުން ސަލާމަތްކޮށް ދިނުމަށް ހެޔު އަމަލު ކުރުމުގެ ތަޢުފީޤު ދެއްވުންއެދި !

ލލ

ނުބައި ކަންކަން މަނާކޮށް ހުއްޓުވަން ތިހުންނަ ޝައުޤުވެރިކަން ހެޔުކަންތަކާއި ހެޔު ޢަމަލު ކުރުމަށްވެސް ތިހާ ޝަޢުޤުވެރިކަން ހުންނަނަމަ ހާދަހާވާ ރަގަޅުވީސް !

ކކ

ދޮންކަލޯ ހަދަހާ ހަނިކޮން ތިވިސްނަނީ؟؟؟ ނުބައި ކަންކަން މަނާކޮށް ހުއްޓުވަން މަސައްކަތް ކުރުމަކީވެސް ހެޔޮކަމެއް ކުރުންކަމެއް ނޭނގޭތޯ؟

ސސ

އެއީ މުލެއްސެއްތޯ ؟ އިންސާނުންގެ ގައިގާހުންނަ ޝަހުވަތުގެ ޝައިތޯނީ އެދުމަށް ހައްލު ހޯދިގެން މިކަން ލުހެލެވޭނީ މިބުނާ ޝަހުވާނީ ޝައިތޯނީ އެދުމުގެ ފަރުވާޔަކީ ދުރޫސުލް އަހުލާޤު ޑިސިޕުލިން !

January
SunMonTueWedThuFriSat
2930311234567891011121314151617181920212223242526272829303112345678