ކޮޗިން ފެރީ

ދެ ކޮޓައިނާ ހިފައިގެން ކޮޗިން އިން ކުޅުދުއްޓަށް ބަނދަރުކޮށްފި

Sep 26, 2020
17
ހދ އަތޮޅުގައި ވެރިކަން ކުރާ ކުޅުދުއްފުށި - އަވަސް ފޮޓޯ
33.3%
0%
66.7%

އިންޑިއާގެ އާއި ރާއްޖެއާ މުދާ އުފުލަން ފެށި، "ކޮޗިން ފެރީ" ދެ ކޮންޓެއިނާގެ މުދާ ހިފައިގެން ކުޅުދުއްފުއްޓަށް ރޭ ފަތިހު ބަނދަރުކޮށްފި އެވެ.

އިންޑިއާގެ ކޮޗިން އިން މި މަހުގެ 21 ވަނަ ދުވަހު ފުރި، "އެމްސީޕީ ލިންޒް" ނަމަކަށް ކިޔާ އެ ބޯޓު ރާއްޖެ އައިސްފައި ވަނީ ޓުޓިކޯރިން އިން ފުރައިގެން ކޮޗިން ބަނދަރާ ކައިރި ކުރުމަށްފަހު އެވެ. މުދާ އުފުލާ ބޯޓު މިއަދު ބަނދަރުކޮށްފައި ވަނީ ދެ ކޮންޓައިނާ އެވެ. ބޯޓުގައި ހުރީ ގާތްގަނޑަކަށް 500 ޓަނުގެ މުދަލެވެ.

އެނގިފައިވާ ގޮތުގައި މި ބޯޓުން ގެނެސްފައި ވަނީ ފިޔާ އާއި އަލުވި އަދި ކޮންސްޓްރަކްޝަން މެޓީރިއަލްސް އެވެ. އިންޑިއާ އާއި ރާއްޖެއާ ދެމެދު މި ދަތުރު ކުރަނީ އެ ގައުމުގެ ގައުމީ ޝިޕިން ކުންފުނި އިންޑިއާގެ ޝިޕިން ކޯޕަރޭޝަން (އެސްސީއައި) އިން ނެވެ. އަދި މި ކުންފުނީގެ ރާއްޖޭގެ އެޖެންޓަކީ ރާއްޖޭގެ ޝިޕިން ވިޔަފާރި ފުޅާ ކުރަން އުފެއްދި ކުންފުނި، ޝިޕިން ކުންފުނި، މޯލްޑިވްސް ސްޓޭޓް ޝިިޕިން (އެމްއެސްއެސް) އެވެ. ގައުމީ ޝިޕިން ކުންފުންޏެވެ.

ކޮޗިން ފެރީ، ކުޅުދުއްފުޓަށް ބަނދަރު ކުރިއިރު، އެ ރަށް މިވަނީ ކޮވިޑް-19 އާ ގުޅިގެން މޮނީޓަރިންގެ ހާލަތަށް ރޭ ލާފަ އެވެ. ކުޅުދުއްފުށީ ކައުންސިލްގެ ރައީސް އަބްދު ލަތީފު ވިދާޅުވި ގޮތުގައި މި ބޯޓުގެ ދަތުރާ ގުޅިގެން އިވެންޓެއް ބާއްވަން ކުރިން ރޭވި އެވެ. ނަމަވެސް އެ ރަށް މޮނީޓަރިންއަށްލުމުގެ ސަބަބުން އެ އިވެންޓު ބޭއްވޭނެ ކަމަށް ނުބެލެވެ އެވެ.

ފެރީގެ ހިދުމަތް ފެށުމަށް ބޭއްވި ރަސްމިއްޔާތުގައި ކޮޗިން ބަނދަރު ތަމްސީލް ކުރާ ފަރާތްތަކާއި، އެމްޕީއެލް އަދި ފޮރިން މިނިސްޓްރީގެ ބޭފުޅުން ބައިވެރިވެފައިވޭ. -- ފޮޓޯ: އިންޑިއާ ހައިކޮމިޝަން

މި ދަތުރާ ބެހޭ ގޮތުން، ކުރިން ދެ ގައުމުގެ ސަރުކާރުން ވެސް ބުނަމުން ދިޔައީ، އިންޑިއާ އާއި މާލެއާ ދެމެދު ދަތުރު ފަށާނީ މީހުން އުފުލާ ފެރީގެ ހިދުމަތް ކަމަށެވެ. ނަމަވެސް މިހާރު ޕްލޭންކޮށްފައި ވަނީ ރާއްޖެ އާއި ކޮޗިންއާ ދެމެދު މުދާ އުފުލަން 2-3 ދަތުރު ކުރުމަށެވެ. މި ދަތުރުތައް ކުރާނީ ކޮޗިނުން ކުޅުދުއްފުށީގެ ޕޯޓަށާއި މާލޭގެ ޕޯޓަށެވެ.

އިންޑިއާގެ އާއި ރާއްޖެއާ ދެމެދު އެ ގައުމުގެ ސަރުކާރުން މުދާ އުފުލަން ފެށުމަކީ މި ސިނާއަތުގެ ތަޖުރިބާކާރުންގެ ކަންބޮޑުވުން ހުރި ކަމެކެވެ. އިންޑިއާގެ ފެރީގެ މައްސަލާގައި އެންމެ ބޮޑަށް ކަންބޮޑުވެ ވަޑައިގަންނަވަނީ ރާއްޖޭގެ އިގްތިސޯދީ ދާއިރާގެ ތަޖުރިބާކާރު ބޭފުޅުންނެވެ. އެ ފަދަ ގިނަ ބޭފުޅުންގެ ނަޒަރުގައި އިންޑިއާގެ ދަތުރުތައް ރާއްޖެއާ ދިމާއަށް އަނބުރާލުން ވެގެން ދާނީ ދިވެހި އިގްތިސޯދު ބެދޭނެ މަޅިއެއްގެ ތެރެއަށް ވަދެގެން ދިއުމަށެވެ.

ނަމަވެސް، އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވި ގޮތުގައި، ކާގޯ ފެރީގައި ރާއްޖެއަށް ހަމައެކަނި ގެންނާނީ ދިވެހި އިމްޕޯޓަރުން ގަންނަ މުދަލެވެ. އަދި މި ފެރީގެ ސަބަބުން އިންޑިއާ އާއި ރާއްޖެއާ ދެމެދު ދަތުރުތައް ޔަގީންވެގެންދާނެ އެވެ.

"މިހާރު އޮޕަރޭޓު ކުރާ ކާގޯ އުޅަނދުތަކާ ހުރި ހަމައެކަނި ތަފާތަކީ މި ކާގޯ ފެރީއަކީ ދުރާލާ ޝެޑިއުލް ކުރެވިގެން ވިޔަފާރީގެ ނިޒާމަށް ފަސޭހަ ވެގެންދާނެ ހިދުމަތެއް،" ފައްޔާޒް ވިދާޅުވި އެވެ.

17 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ދަންޑެހެލު

އިންޑިއާއިން ގެންނަ ފިޔާ އަލުވި ބިސް އޯކޭ! އިންޑިއާއިން ބޭސްކުރަން އޯކޭ! އިންޑިއާ ޓީޗަރުން އޯކޭ! އިންޑިއާ ޑަކްޓަރުން އޯކޭ! އިންޑިއާ މޭސަނުން އޯކޭ! އިންޑިއާ ތަށި ތެލި ހަމަ އޯކޭ! އިންޑިއާ ފިލްމު އޯކޭ! އިންޑިއާ ޑްރާމާ ސީރީޒް އޯކޭ! އެކަމަކުވެސް ..... ހެ ހެ ހެ

ބަލާށޭ

މިއީ ބޮޑުތިލަދުންމަތި ބޮޑުކޮށް ތަރައްގީ ކުރުމުގެ ފެށުން ކަމަށްވާނަމަ ތިޔާއީ ރަނގަޅު ކަމެކޭ ތިޔާ ގޮތަށް ފައިނޭންޝަލީ ފީސްބްލް ތޯ ނުބަލާ ރައީސް ޔާމީންގެ ވެރިކަމުގައި އައްޑޫ ގަމާއި ލަންކާ އާއި ދެމެދު ދަތުރު ކުރިއޭ ސްރީލަންކަން އެއާރލައިންސް އިން އެންމެ ފަހުން ކޮނެ ބެލިއިރު ސަރުކާރުން ކޮންމެ ދަތުރަކަށް ސްރީލަންކަން އަށް 20 ހާސް ޑޮލަރުދެއޭ ސަބްސިޑީއެއްގެ ގޮތުގައި ތިޔާ ކާރގޯ ފެރީ އަށް ވެސް އެސްޓީއޯ މެދުވެރިކޮށް ސަބްސިޑީ އެއް ދޭނެ ކަން އެއީ ޔަގީން ޔަގީން ކަމެކޭ މިކާރގޯ ބޯޓް ފެރީ އެއްގޮތަށް މިގެނައީ އެއީ ސަބްސިޑީ ނަމުގައި އެތައް މިލިއަން ރުފިޔާ އެއް މަހަކު އިންޑިއާ އިން އަންނަ ކާރގޯ ފެރީ އަށް ދޭން ވެގެންނޭ މިކަން އަދި ފަޅާ އަރާނެ ކަން އެއީ ޔަގީންވެ ކަށަވަރުވާ ކަމެކޭ މަމެން ގޮވާލަމޭ އޮޑިޓަރ ޖެނެރަލް އަށް މިކަން ބަލަން މިހާރުން މިހާރަށް...

ކިލަމަންޖާ

މާލެއަށް ބަރޯސާ ނުވެ އުތުރަށް މުދާ ގެނެވޭނެ ކުޑަ ފުރުސަތެއް ލިބުނީމަވެސް އެންމެން މާލެ އަންނަން ގޮވި ޕާޓީ ކުދިންނަށް ހަޖަމެެއް ނުވެގެން އުޅޭ މަންޒަރު ހާދަ ފެނެޔޭ އެބަ

ސސ

އެމްޑީޕީ އަށް ރިޔާސީ އިންތިހާބު ތަކުގައި އެމެންދިން ފައިސާ ހޯދޭނެ ގޮތް ހަދާދެނީ ނުންތޯ !

ވިސްނާށޭ

މިއީ ބޮޑުތިލަދުންމަތި ބޮޑުކޮށް ތަރައްގީ ކުރުމުގެ ފެށުން ކަމަށް ރާއްޖޭގެ ފޮރިންގް މިނިސްޓަރު ވިދާޅުވާއިރު މިހާރު މިރާއްޖޭގެ އިކޮނޮމިކް މިނިސްޓަރަކީ އެއީ ފޮރިންގް މިނިސްޓަރުތޭ އެއީ ވެސް ސުވާލު އުފެދޭ ކަމެކޭ ތިޔާ ކޮޗިންގް ފެރީން ބޮޑު ތިލަދުން މައްޗަށް ކުރާނީ ކޮން ފައިދާ އެއްތޭ ތިޔާއީ އިންޑިއާ މީހުންނޭ އެމީހުން މިއަދު ގެންނަ ފިޔާ ކިލޯއެއް 10 ރުފިޔާ އަށް ވިއްކިނަމަ ދެން އަންނަ ދަތުރުގައި އެމެން ވިއްކާނީ 20 ރުފިޔާ އަށް ދެން އަންނަ ދަތުރުގައި 30 ރުފިޔާ އަށް މީ އެންމެން ދަންނަ ކަމެކޭ...

ބަލާތި

އިންޑިއާގެ ކޮޗިންގް އިން އައި ކާރގޯ ފެރީ އަކީ އެއީ އިންޑިއާގެ ސްޓޭޓް ޝިޕިންގް ކުންފުނިން އައި ކާރގޯ ފެރީއެއް ތިޔާ ފެރީގައި ދިވެހި އެއްވެސް ވިޔަފާރި ވެރިއަކު ގަނެފައި ހުރި މުދަލެއް ނެތް ދޯ ދެން ތިޔާ ފެރީ އަންނާތީއޭ ބުނެ ދިވެހި ވިޔަފާރިވެރިން އިންޑިއާ އިން އެހެން ކާރގޯ ބޯޓަކަށް އަރުވަން އުޅުނު މުދާ އިންޑިއާގެ ޕޯރޓްސް އޮތޯރިޓީން އެ ބޯޓަށް ނާރުވާ އިންޑިއާ ކޮޗިންގް ފެރީ އަށް ކަމަށް އެރުވޭނީ ބުނީ ތިޔާއީ ގަދަ ކަމުން ކުރުވަން އުޅޭ ވިޔަފާރި އެއްތޭ ތިޔާއީ މޮދީ އާއި ކެނެރީގެ ނަޝީދު ހިއްސާވާ އެމެންގެ އަމިއްލަ ކުންފުނިން ގެންނަ މުދާނޫންތޭ ތިޔާ ކަން ނޭގިގެން މަމެން ނޫޅެމޭ އިނގޭތޭ...

އުޅޭވިޔަފާރިއެކޭ

ބޮޑު ތިލަދުންމަތީގެ ބޮޑު ތަރައްގީގެ ފެށުމަކީ އިންޑިއާ އިން ކާރގޯ ފެރީއެއް އައުންތޭ އެއިން ކާރގޯ ފެރީ އެއް އިންޑިއާ އިން އައިއިރު އިންޑިއާ އިން ރާއްޖެ ގެނައީ ސިމެންތި ދޯ ދެން ތަމެން ބުނި ކާބޯތަކެއްޗޭ ގެނައީ އެކާބޯތަކެއްޗަކީ އެއީ ކޮން ވިޔަފާރި ވެރިން އޯޑަރު ކޮށްގެން ގެނައި ތަކެއްޗެއްތޭ އެއީ ދިވެހި އެއްވެސް ވިޔަފާރި ވެރިއަކު އޯޑަރު ކޮށްގެން ގެންނަ އެއްޗެއް ނޫން ދޯ މީގައި އެބައުޅޭ މައްސަލަ އެއް މީ މޮދީގެ ވިޔަފާރި ކުންފުންނަކުން އޮޕަރޭޓް ކުރާ ބޯޓަކާއި ވަރަށް ވައްތަރޭ ބޯޓަކީ ބާ ކިބަޅި ބޯޓް ގަނޑެއް ތިޔާއީ އިންޑިއާ ސަރުކާރުގެ ބޯޓެއް ތިޔާއީ މޮދީގެ އަމިއްލަ ވިޔަފާރި ކުންފުންނަކުން ރާއްޖެ އަށް ފޮނުވާ މުދާ ތިޔާ އަމިއްލަ ކުންފުނީގެ ހިއްސާ ދާރުންގެ ތެރޭގައި ކެނެރީގެ ނަޝީދުގެ ވެސް ހިއްސާ އެބައޮތޭ އޭނާގެ %60 ހިއްސާ އެބައޮވޭ ތިޔާ ކާރގޯ ފޮނުވާ ކުންފުނީގެ މީސީދާ ވެލާނާ އެއާރޕޯރޓްގެ ސީޕްލޭން ޓާރމިނަލް އިންޑިއާގެ ކުންފުންނަކަށް ވިއްކާލައިގެން ކަޓްގެ ގޮތުގައި ލިބުނު 25 މިލިއަން ޑޮލަރުގެ ޑީލް އިން ފަށައިގެން

އަލިމާ

ކިޔެއްތަ ކުރާނީ

މާލި މޮހޮންމަދު

ބަލްކް ކެރިއަރެއް ކޮންޓެއިނަރ ކެރިއަރެއް ވަކިނުވާ ގަމާރުން ނޫސް ލިއުނީމަ ގޮވޭނީ މިކަހަލަ ކޮސް !

އެހެންތޭ

ރާއްޖޭގެ ދިވެހި ވިޔަފާރިވެރިންގެ ވިޔަފާރި އަށް ތިޔާގެ ސަބަބުން ކިހާ ބޮޑު ގެއްލުމެއްވާނެތޭ ބަލާފައި އެބައޮތްތޭ ތިޔާއީ ވެސް އިންޑިއާގެ ސްޓޭޓް ޝިޕިންގް ކުންފުނީގެ ބޯޓެއް ކަމުގައިވާނަމަ އެއީ އިންޑިއާ ސަރުކާރުގެ ކުންފުންނެއްގެ ބޯޓެއް ތިޔާ ބޯޓެކޭ މިފްކޯ މަސްކިރާ ބޯޓް ތަކެކޭ މާބޮޑު ތަފާތެއް ހުންނާނެ ކަމަށް މަމެންނަށް ނުފެނެއޭ ތިޔާ ގޮތަށް ކާރގޯ ފެރީ ބޭއްވޭނެ ޕާކިސްތާނާއި ރާއްޖެ އާއި ދެމެދު ބަންގާޅާއި ރާއްޖެ އާއި ދެމެދު ލަންކާ އާއި ރާއްޖެ އާއި ދެމެދު ވެސްދޯ.

April
SunMonTueWedThuFriSat
303112345678910111213141516171819202122232425262728293012345678910