މާލޭ އެއް ނަންބަަރު ޖެޓީ ކައިރިން މުދާ އަރުވާ ބާލާ ނަމަ ފިޔަވަޅު އަޅާނެ ކަމަށް ސިޓީ ކައުުންސިލުން ބުނެފި އެވެ.
ސިޓީ ކައުންސިލުން މިއަދު ޓްވީޓެއްކޮށް ބުނީ، މާލޭގައި މުދާއަރުވާ ބާލަން ވަނީ ވަކި ސަރަހައްދުަތަކެއް ހުންނަނީ ކަނޑަ އަޅާފަ ކަމަށެވެ. އެއްނަންބަރު ޖެޓީ، ރަސްމީ ޖެޓީ ކައިރީ މުދާއަރުވާ ބޭލުމަކީ މަނާ ކަމެއް ކަމަށާއި އެގޮތަށް އެކަން ކުރާ ފަރާތްތަށް ހުއްޓުވާ ފިޔަވަޅު އަޅަމުންދާނެ ކަމަށެވެ.
އެހެންނަމަވެސް، ފިޔަވަޅު އަޅާނީ ޖޫރިމަނާގެ ގޮތުގައި ކަމެއް ނުވަތަ އެހެން ގޮތަކަށް ސިޓީ ކައުންސިލުން ސާފެއް ނުކޮށްދެ އެވެ.
ސިޓީ ކައުންސިލުން ފިޔަވަޅު އަޅާނެ ކަމަށް ބުނީ، މުދާ ބަރުކޮށްގެން އޮތް ދޯންޏެއްގެ ފޮޓޯ އަކާއެކު އެވެ. އަދި އެ ދޯނި އެ ސަރަހައްދުން ދުރަށް ދާ ތަނުގެ ފޮޓޯ އެއްވެސް ޓްވީޓާއެކު ވަނީ ހިމަނާފަ އެވެ.
ރަށްރަށުން އަންނަ ދޯނިތައް ކައިރި ކުރަން ހަމަޖައްސާފައި އޮންނަނީ ޓީޖެޓީ ސަރަހައްދަށެވެ.
ކޮވިޑް އާ ގުޅިގެން މާލެ އަށް އަންނަ ދޯނި ފަހަރު ގާތް ކުރަން ވަކި ސަރަހައްދުތަކެއް ވަނީ ސިޓީ ކައުންސިލުން ކަނޑައަޅާފަ އެވެ.
- އަތޮޅުތަކުން މާލެ އަންނަ ދޯނި ފަހަރު ލަފާ ފުރުމަށް މާލޭގެ ނޯތު ހާބަރާއި ޓީ ޖެޓީ ސަރަހައްދު
- އަތޮޅުތަކުން މާލެ އަންނަ އަދި މާލެއިން ފުރާ ސްޕީޑް ލޯންޗު ފަހަރަށް އެއް ނަމްބަރު ޖެޓީ
- އަތޮޅުތަކުން މާލެ އަންނަ މަސްވެރިކަން ކުރާ އުޅަނދުފަހަރަށް ހުޅުމާލޭގެ ބަނދަރު
- އަތޮޅުތަކުން މާލެ އަންނަ އުޅަނދުފަހަރު ލަފާފުރުމަށް ތިލަފުށި ބަނދަރު
- ރިސޯޓުތަކުން މާލެ އަންނަ އަދި މާލެއިން ފުރާ ސްޕީޑް ލޯންޗު ފަހަރަށް މާލޭގެ ފަސް ނަންބަރު ޖެޓީ އާއި ހަ ނަންބަރު ޖެޓީ