ނަސްރުގެ ދުވަހާއި ގުޅުވައިގެން "ބަޑި ބުރާސްފަތި" ގެ ނަމުގައި އިދިކޮޅުން ރާވާފައިވާ ޖަލްސާ، ޕީޕީއެމްގެ އޮފީސް ދޮރުމަތީގައި ބާއްވަން ނިންމައިފި އެވެ.
ނަސްރުގެ ދުވަސް ފާހަގަކުރުމުގެ ގޮތުން "ބަޑި ބުރާސްފަތި"ގެ ނަމުގައި ޖަލްސާއެއްް ނޮވެމްބަރު މަހުގެ ތިން ވަނަ ދުވަހުގެ ރޭ 8:15 ގައި ބާއްވަން ފުރަތަމަ ހަމަޖެއްސީ ކާނިވާ ސަރަހައްދުގައި އެވެ.
ނަމަވެސް، އެކަމަށް ބޭނުންވާ ހުއްދަ ނުލިބުމުން، މިހާރު އެ ޖަލްސާ ނޮވެމްބަރު މަހުގެ ތިން ވަނަ ދުވަހުގެ ރޭ 8:00 ގައި ޕީޕީއެމްގެ އޮފީސް ސަރަހައްދުގައި ބޭއްވުމަށް ވަނީ ހަމަޖައްސައިފަ އެވެ.
އެ ޖަލްސާގައި ބައިވެރިވާން އިދިކޮޅު ކޯލިޝަނުން ވަނީ އާއްމުކޮށް ހުޅުވާލައިފަ އެވެ.