ގެވެށި އަނިޔާއިން ރައްކާތެރިވެފައިވާ މުޖުތަމައެއް ބިނާކުރުމުގެ ގައުމީ ކެމްޕޭނުގައި ބޭނުން ކުރުމަށްޓަކައި ހަމަޖެހިފައިވާ ލޯގޯ އާއި ޝިއާރު ސަރުކާރުގެ ރަސްމީ ސިޓީތަކާއި ނޯޓުތަކުގައި ޖެއްސެވުމަށް ރައީސުލްޖުމްހޫރިއްޔާ ނިންމަވައިފި އެވެ.
ގެވެށި އަނިޔާއިން ރައްކާތެރިވެފައިވާ މުޖުތަމައެއް ބިނާ ކުރުމުގެ ގައުމީ ކެމްޕޭނަކީ ޖެންޑާ މިނިސްޓްރީން ހިންގާ ކެންޕެއިނެވެ.
ރައީސް އޮފީހުން މިއަދު ބުނީ އެ ކެންޕެއިންގައި ބޭނުން ކުރުމަށް ހަމަޖެހިފައިވާ ލޯގޯ އާއި ޝިއާރު ސަރުކާރުގެ ރަސްމީ ސިޓީތަކާއި ނޯޓުތަކުގައި ޖެއްސެވުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް މިއަދު ނިންމަވައިފި ކަމަށެވެ.
ގެވެށި އަނިޔާއިން ރައްކާތެރިވެފައިވާ މުޖުތަމައެއް ބިނާކުރުމުގެ ގައުމީ ކެމްޕޭނުގައި ބޭނުންކުރުމަށް ކަނޑައަޅުއްވާފައިވާ ޝިއާރަކީ "ގެވެށި އަނިޔާ ހުއްޓުވާނަން" މިއެވެ. މި ޝިއާރު ބޭނުން ކުރުމަށް ހަމަޖެހިފައި ވަނީ ޑިސެންބަރު 2020 އިން ފެށިގެން އަހަރު ދުވަހުގެ މުއްދަތަށް ޑިސެންބަރު 2021 ގެ ނިޔަލަށެވެ.