ކެލިފޯނިއާ (ރޮއިޓާސް) - ޓްވިޓާގެ ސީއީއޯ އޭނާގެ ހިއްސާގެ ތިންބައިކުޅަ އެއްބައި އެކުންފުނީގެ މުއްޒަފުންނަށް ދެއްވައިފިއެވެ. މިއީ ކުންފުނީގެ ހިއްސާގެ ގާތްތަނޑަކަށް އެއް ޕަސެންޓެވެ. ފައިސާގެ ގޮތުން ބާލާއިރު 197 މިލިއަން ޑޮލަރެވެ.
ޓްވިޓާގެ ސީއީއޯ އަދި ކޯ ފައުންޑާ ޖެކް ޑޯސީ ވިދާޅުވީ ބޭނުމަކީ މީހުން ބިނާކުރުން ކަމަށެވެ. ޑޯސީ މިގޮތަށް ނިންމާފައިވަނީ އެ ކުންފުނީގެ 336 މުއައްޒަފަކު ކުންފުނިން ވަކިކޮށްފައިވާތީ، މިހާރު ތިބި މުއައްޒަފުންގެ ރޫހު ރަނގަޅުކުރަން ޖެހިފައިވާ ދަނޑިވަޅެއްގައެވެ. ވަކި ކުރި މި މުއްޒަފުންނަކީ ޖުމްލަ މުއައްޒަފުންގެ އަށް ޕަސެންޓެވެ.
"ކުޑަ އެއްޗެއްގެ ބޮޑު ހިއްސާއެއް އޮތުމަށްވުރެ ބޮޑުއެއްޗެއްގެ ކުޑަ ހިއްސާއެއް އޮތުންވެސް އަހަރެންނަށް މާ ރަނގަޅު." މުއައްޒަފުންނަށް ހިއްސާ ދިނުމުގެ ވާހަކައާ ގުޅުވައިގެން ސީއީއޯ ޓްވީޓް ކުރެއްވިއެވެ.
ޓްވިޓާ ގެ މިހާރުގެ ސީއީއޯ މަގާމަށް އައީ މިމަހު ކުރީކޮޅުއެވެ. އޭނާއަކީ ޓްވިޓާގެ އިތުރުން ފޯނުން ޕޭމަންޓް ހަދާ ހިދުމަތްދޭ ސްކޮޔާ އިންކް ގެ ވެސް ކޯ ފައުންޑާއަށް ވާތީ ދެ ކުންފުނި ބެލެހެއްޓިދާނެތޯ ބައެއް ފަރާތްތަކުން ސުވާލު އުފައްދަ އެވެ.
ޑޯރސީއަކީ ދީލަތި ކަމަށް ފާހަގަ ކުރެވޭ ފަރާތެކެވެ. މިގޮތުން ހިލޭ ސާބަހަށް މަސައްކަތް ކުރާ ޖަމިއްޔާއަކަށް ސްކޮޔާ އިންކްގެ ސާޅީސް މިލިއަން ހިއްސާ ދިނުމަށް އޭނާ ވަނީ ނިންމާފައެވެ. މި ޖަމިއްޔާއަކީ ފަންނާނުންނަށާއި ކުދި ވިޔަފާރި ތަކަށް އެހީވެދޭ ބައެކެވެ.
ޓްވިޓާގެ ސީއީއޯ އަދި ކޯ ފައުންޑާ ޖެކް ޑޯސީ