ޔޫއެސް ކެޕިޓަލް ވަށައި ހަތް ފޫޓު ފުޅަފެއް ޖެހުމަށް މިލިޓަރީއަށް އަންގާފައިވާ ކަށް، އާމީ ސެކްރެޓަރީ، ރިޔާން މެކާތީ ވިދާޅު ވެއްޖެ އެވެ. އޭނާ ވިދާޅުވީ ރައީސް ޓްރަމްޕަށް ވަފާތެރި ސަޕޯޓަރުން އެމެރިކާގެ ގާނޫންހަދާ މަޖުލިސް ތެރެއަށް ވަދެގަނެ ހިންގި ކަހަލަ ހަމަނުޖެހުމަކަށް ދެން ތަން ނުދެއްވާނެ ކަމަށެވެ.
"ބޮޑު ބައިގަނޑެއް ވަދެ މުޅި އިމާރާތް ހިސޯރު ކުރި ތަން އަޅުގަނޑުމެންނަށް ފެނުނީ" ރިޔާން މެކާތީ ވިދާޅުވި އެވެ. "އަދި ކުރިއަށް ވެސް އެބަ އޮތް މުހިންމު ރަސްމިއްޔާތުތަކެއް" އޭނާ ވިދާޅުވި ގާނޫނު ހަދާ މަޖިލިސް ވަށައި މުޅި ސަރަހައްދުގައި ފެންސް ޖަހާނެ ކަމަށާޢި މަދުވެގެން 30 ދުވަސް ވަންދެން ފެންސް ބަހައްޓާނެ ކަމަށެވެ.
ކެޕިޓަލް ޕޮލިހުންނަށް އެހީތެރިކަން ބޭނުންވާކަން ޕެންޓަގަންއަށް އަންގާފައި ނުވާ ކަމަށް މެކާތީ ވިދާޅުވި އެވެ. އޭނާ ވިދާޅުވީ ކެޕިޓަލް ދޮށަށް އެއްވި މީހުން ސެކިޔުރިޓީއަށް ހަމަލާދިނުމުގެ ކުރިން ޕެންޓަގަންގެ ސަމާލުކަށް އައިސްފައި ނުވާ ކަމަށެވެ.
މެކާތީ އަކީ ވޮޝިންޓަން ނޭޝަނަލް ގާޑުގެ ވެރިޔާ އެވެ. އެހެން ތަނަކުން ނުވަތަ އިދާރާއަކުން ސެކިޔުރިޓީން ބޭނުންވާ ނަމަ އޭނާ އަށް ވެސް އޮންނަ އިހުތިޔާރަކީ ލިޔެކިޔުމުގެ ތެރެއިން ސެކިޔުރީޓީ އެހީތެރި ކަމަށް އެދުމެވެ. އޭނާ ވިދާޅުވީ ކެޕިޓަލްގައި ބުރާސްފަތި ދުވަހު 850 ގާޑުން ތިބޭނެ ކަމަށެވެ.
ކެޕިޓަލްގައި ސެކިޔުރިޓީ ބެލެހެއްޓި ގޮތާ މެދު ކުރިމަތިވި ފާޑުކިޔުންތަކާހެދި، ކެޕިޓަލް ޕޮލިސް ޗީފް، ސްޓީވަން ސަންޑް ވަނީ މަގާމުން އިސްތިއުފާ ދެއްވާފަ އެވެ.