ޓެކްސް ދައްކަން ޖެހޭ ސުންގަޑިތައް ކައިރިވެފައި ވާތީ އެ ގަޑިތައަށް ސަމާލުވެ ޓެކްސް ދައްކަން މޯލްޑިވްސް އިންލެންޑް ރެވެނިއު (މީރާ) އިން ހަނދާން ކޮށްދީފި އެވެ.
އެންމެ އަވަހަށް ޓެކްހެއްގެ ސުންގަޑިއެއް ހަމަވާނީ މި މަހުގެ 28 ވަނަ ދުވަހުގެ ނިޔަލަށެވެ. އެއީ މިދިއަ އަހަރުގެ ގެ ހަތަރުވަނަ ކްއާޓާގެ ޖީއެސްޓީ ފައިސާ ދެއްކުމުގެ ސުންގަޑި އެވެ. މީގެ އިތުރުން މިމަހުގެ 31 ވަނަ ދުވަހުގެ ނިޔަލަށް 2020 ގެ ދެވަނަ އިންޓަރިމްގެ އާމްދަނީ ޓެކްސް ދައްކާ ސުންގަޑި ވެސް ހަމަވެ އެވެ.
ކުރިން މީރާ އަށް ގޮސްގެން ޓެކްސް ދެއްކި ނަމަވެސް މިހާރު މީރާގެ މީރާ ކަނެޓް މެދުވެރިކޮށް އޮންލައިންކޮށް ޓެކްސް ދެއްކެ އެވެ. މީރާ އިން ވަނީ ޓެކްސް ދައްކާ ފަރާތްތަކަށް ލުއި ފަސޭހަ ކޮށްދިނުމުގެ ގޮތުން "ކޮމްޕްލަޔަންސް އިމްޕްރޫވްމެންޓް" ޕޮލިސީއެއް ވެސް ތައާރަފު ކޮށްފަ އެވެ.