މާލޭގެ މަގުމަތީގައި ނިވައިކަން ކުޑަކޮށް ހެދުން އަޅައިގެން އުޅުނު މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.
އަވަސް އަށް އެނގިފައިވާ ގޮތުގައި އޭނާ ފުލުހުންގެ ބެލުމުގެ ދަށަށް ގެންދިޔައީ ލޮނުޒިޔާރަތް މަގުގައި އުޅެނިކޮށެވެ.
ފުލުހުންގެ މީޑިއާ އޮފިސަރު ވިދާޅުވީ ނިވައިކަން ކުޑަކޮށް ހެދުން އަޅައިގެން މަގުމަތީގައި އުޅުނު ދިވެހި ފިރިހެނަކު މިއަދު 16:13 ހާއިރު ފުލުހުންގެ ބެލުމުގެ ދަށަަށް ގެންގޮސްފައިވާ ކަމަށެވެ.
މިކަމާ ގުޅިގެން އިތުރަށް ބަލަންޖެހޭ ކަންކަން ހުރުމުން ފުލުހުން އެ މަސައްކަތް ކުރަމުންދާ ކަމަށް އޮފިސަރު ވަނީ ވިދާޅުވެފަ އެވެ.
މާލޭގެ މަގުމަތިން މީގެކުރިން ވެސް ނިވައިކަން ކުޑަކޮށް ހެދުން އަޅައިގެން އުޅުނު ބައެއް މީހުންނާއި ބަރަހަނާ ހާލުގައި އުޅުނު ބައެއް މީހުން ހައްޔަރުކޮށް ފިޔަވަޅު އަޅާފައިވެ އެވެ.