- މާލެއިން ފުރަނީ 14 އަދި 21 ގައި
- މާލެ އަންނަނީ މިމަހު 21 އަދި 26 ގައި
- ޓިކެޓު ވިއްކަނީ 355 ޑޮލަރަށް ރިޓާން
ޗުއްޓީއާ ދިމާކޮށް މޯލްޑިވިއަން އިން 355 ޑޮލަރަަށް ބެންކޮކަށް ދަތުރުތަކެއް ބާއްވަން ނިންމައިފި އެވެ.
ރާއްޖޭގެ ގައުމީ އެއާލައިން މޯލްޑިވިއަންގެ އޮފިޝަލަކު ވިދާޅުވީ މިމަހުގެ 14 އަދި 21 މި ދެ ދުވަހު ތައިލެންޑުގެ ވެރިރަށް ބެންކޮކަށް ބާއްވާ ދެ ފްލައިޓުގައި ދެ ކޮޅަށް ޓިކެޓު ވިއްކަނީ 355 ޑޮލަރު (ގާތްގަނޑަަށް 5،474ރ. އަށް) ކަމަށެވެ.
"މި ދެ ފްލައިޓް ބާއްވަނީ ބޮޑު ޗުއްޓީއާ ދިމާކޮށް ބެންކޮކަށް ދާން ބޭނުންވެފައި ތިބި މީހުންނަށް ހާއްސަކޮށްގެން،" އޮފިޝަލް ވިދާޅުވި އެވެ.
މޯލްޑިވިއަން ބާއްވާ މި މި ފްލައިޓް މާލެ އައުމަށް ހަމަޖެހިފައިވަނީ މި މަހުގެ 21 އަދި 26 ގަ އެވެ.
ގައުމީ އެއާލައިނުން ކޮންމެ އަހަރެއްގެ ވެސް ބޮޑު ޗުއްޓީއާ ދިމާކޮށް ހާއްސަ ފްލައިޓްތައް ބާއްވަ އެވެ. އަދި މި ފްލައިޓްތަކަށް ބޮޑު ތަރުހީބެއް ލިބެމުންދާ ކަމަށް އެ ކުންފުނިން ބުނެ އެވެ.