މޯލްޑިވިއަންގެ އެއާ ޝޯއާއެކު ފޮޓޯ އަދި ވީޑިއޯ މުބާރާތެއް

ގައުމީ އެއާލައިން -- މޯލްޑިވިއަން އިން އަލަށް ގެންނަ ވައިޑް ބޮޑި މަތިންދާ ބޯޓު ދައްކާލުމަށް ބާއްވާ އެއާ ޝޯގެ ފޮޓޯ އަދި ވީޑިއޯ ނަގައިގެން އަގުހުރި އިނާމުތަކެއް ލިބޭ މުބާރާތެއް އިއުލާނުކޮށްފި އެވެ.

މި އެއާ ޝޯ އޮންނާނީ އަންނަ ހޯމަ ދުވަހުގެ ހަވީރު 5:00-5:30 އަށް މާލޭގެ އުސްފަސްގަނޑުގެ އިތުރުން ހުޅުމާލެ 1 އަދި 2ގެ އިރުމަތީ ފަރާތު އަތިރިމަތިން ފެންނަ ގޮތަށެވެ.

މި މުބާރާތުގައި ދެ ކެޓަގަރީ އިން 1 ވަނަ، 2 ވަނަ އަދި 3 ވަނަ ހޮވުމަށް ވަނީ ހަމަޖެހިފަ އެވެ.

މުބާރާތުގެ އިނާމުތައް

މީގެ އިތުރުން މުބާރާތުން ވަނަތައް ހޯދާ މީހުންނަށް އެއާބަސް އޭ330-200 މަރުކާގެ ފްލައިޓެއްގެ މޮޑެލް ލިބޭނެ ކަމަށް މޯލްޑިވިއަން އިން ވަނީ ބުނެފަ އެވެ.

މުބާރާތުގެ ފޮޓޯ އާއި ވީޑިއޯ މިމަހުގެ ނުވަ ވަނަ ދުވަހުގެ މެންދުރު 2:00 ގެ ކުރިން ސޯޝަލް މީޑިއާގައި ޕޯސްޓް ކުރަންޖެހެ އެވެ.

އެ ގޮތުން އިންސްޓަގްރާމް، ފޭސްބުކް ނުވަތަ އެކްސްގައި ފޮޓޯ އާއި ވީޑިއޯ ޕޯސްޓް ކުރެވޭނެ ކަމަށް މޯލްޑިވިއަން އިން ބުނެފައިވެ އެވެ.

އެއާ ޝޯގެ ފޮޓޯ އާއި ވީޑިއޯ ޕޯސްޓްކުރާއިރު މޯލްޑިވިއަން ޓެގްކޮށް #މޯލްޑިވިއަންއޭރޯއެއާޝޯ ހޭޝްޓެގް ބޭނުންކުރަންޖެހެ އެވެ. އަދި ފޮޓޯ އާއި ވީޑިއޯ ޕޯސްޓްކުރާ ޕްރޮފައިލް އަކީ ޕަބްލިކް ޕްރޮފައިލް އަކަށް ވާންޖެހޭނެ ކަމަށްވެސް މޯލްޑިވިއަން އިން ބުނެފައިވެ އެވެ.