މޯލްޑިވްސް ޕޮލިސް ސާވިސް

ރާއްޖެއަށް ވަޒަން އެތެރެކުރި އިޒްރޭލު މީހަކު ފުރުވާލައިފި

ވެލާނާ އިންޓަނޭޝަނަލް އެއާޕޯޓްގައި ފަތުރުވެރިންގެ ބަޔަކު ފުރަންގޮސް މަޑުކޮށްލައިގެން. އެއާޕޯޓުން ވަޒަންތަކަކާ އެކު ހައްޔަރުކުރި އިޒްރޭލު މީހަކު ވަނީ ފުރުވާލާފައި -- ފޮޓޯ: އަވަސް
30%
0%
70%

ރާއްޖޭގައި ޗުއްޓީ ހޭދަކުރުމަށްފަހު ފުރަން ވެގެން ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި ހުއްޓާ ވަޒަންތަކަކާ އެކު އިޒްރޭލުގެ ފަތުރުވެރިޔަކު ހައްޔަރުކޮށްފި އެވެ.

އަވަސް އެނގިފައިވާ ގޮތުގައި މިދިޔަ ބުދަ ދުވަހުގެ ރޭ އެއާޕޯޓުން ހައްޔަރުކޮށްފައިވަނީ އުމުރުން 28 އަހަރުގެ އިޒްރޭލުގެ ފިރިހެނެކެވެ. އޭނާ ރާއްޖެ އައީ އަންހެނުންނާ އެކު ޗުއްޓީ އަށެވެ.

ވީއައިއޭގައި ހަރަކާތްތެރިވާ އޭވިއޭޝަން ސެކިއުރިޓީ ކޮމާންޑްގެ އޮފިސަރުން ފަތުރުވެރިޔާގެ ދަބަސް ޗެކް ކުރިއިރު އެ ދެ ބަހުން 15 ވަޒަން ފެނިފައިވާ ކަމަށް އެނގިފައިވެ އެވެ.

މިކަމާ ގުޅިގެން ފުލުހުންނާ ސުވާލުކުރުމުން މީޑިއާ އޮފިސަރު ވިދާޅުވީ ވީއައިއޭ އަށް ފުރަން ގޮސް ހުރި ފަތުރުވެރިޔެއްގެ އަތުން ވަޒަންތަކެއް ފެނިގެން ބުދަ ދުވަހު ފުލުހުންނަށް ރިޕޯޓް ކޮށްފައިވާ ކަމަށެވެ. އެކަމާ ގުޅިގެން ބަލަންޖެހޭ ކަންކަން ބެލުމަށްފަހު މިދިޔަ ބުރާސްފަތި ދުވަހު އިޒްރޭލުގެ ފަތުރުވެރިޔާ ފުރުމުގެ ހުއްދަ ދިނުމުން އޭނާ ފުރައިގެން ގޮސްފައިވާ ކަމަށްވެސް ފުލުހުން ބުނެފައިވެ އެވެ.

ފަތުރުވެރިޔާ އަށް އެއްވެސް ފިޔަވަޅެއް އެޅި ކަމަކަށް ފުލުހުން ބުނެފައެއް ނުވެ އެވެ. އެކަމަކު އެމީހާގެ އަތުން ފެނުނު ވަޒަންތައް އެމްއެންޑީއެފްގެ ބެލުމުގެ ދަށަށް ވަނީ ގެންގޮސްފަ އެވެ.

ރާއްޖެއަށް ޗުއްޓީ ހޭދަކުރަން އަންނަ ފަތުރުވެރިންގެ އަތުން މީގެކުރިންވެސް ވަޒަން ފެނިފައިވެ އެވެ. އަދި އެފަދަ ބައެއް ފަތުރުވެރިން ރާއްޖެއަށް ނާދެވޭ ގޮތަށް މުޅި އުމުރަށް ޑީޕޯޓްވެސް ކޮށްފައިވެ އެވެ.

6 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

އާދަނު123

ތި ރާއްޖެ އެތެރެެވި ގޮތެއް ވެސް އޮންނަންވާނެއްނު އަހަރުމެންނަށް ލައިޓަރެއް ލަގެޖައްލައިގެ ވެސް ފްލައިޓަށް ނޭރޭ

ޙަބީިބު.

މިހާނާގާބިލު ސަރުކާރެއް ކޮބާ ރާއްޖޭގެ ގާނޫނަކީ ހުރުމަތްތެރިކޮން ހިތަންޖެހޭ އެއްޗެއްނޫންތަ ގާނޫނު އަސާސީގަ މިކަމުގެ ހަރުކަށި އަދަބުތައް އެހެރީ ލި ޔެފަ ލި ޔަންކި ޔަން ނުދަންނަ ސަރުކާރަކީތަ

މޮރުޑިސް

ޔަހޫދީކަލޭގެ ފުރުވާލީ މާފުށީ ޖަލަށް ތަ ލޯންޗެއްގަ؟ ނޫނީ ...

ޖެލެންސްކީ

މީނާ ގެ ކަށި ޗެކުކުރި އިރު ވީ މަޑުކަށްޓަށް. އެހެން ވެ ވަގުތުން ވަގުތަށް ފުރުވާލީ. ވީއައިޕީކޮށް

ޝާ

ދެން އޭނަ ފޮނުވާލީ؟؟ ނޭގެ އެއްނުން އޭނަ ރާއްޖޭގައް ހުރެގެން އެއްޗެސް ވިއްކާ ނުލާކަމެއްވެސް.

އަލިބެ

ތީ އެހެން ގައުމެއްގަ ހިނގި ކަމެއް ނަމަ އެމީހަކު ހައްޔަރުކުރީސް. ރާއްޖޭގަވެސް ތީ މުސްލިމް ގައުމެއްގެ މީހެއް ނަމަ ހައްޔަރުކުރީސް

April
SunMonTueWedThuFriSat
303112345678910111213141516171819202122232425262728293012345678910