އުމުރުން 12 އަހަރުގެ ފިރިހެން ކުއްޖެއް ގައިގައި، އެކުއްޖާގެ ނުރުހުމުގައި އަތްލި ބިދޭސީ ފިރިހެނަކު ފުލުހުން ހައްޔަރުކޮށްފި އެވެ.
ފުލުހުން މިއަދު ބުނީ އެ ފިރިހެން ކުއްޖާގެ އަތުގައި ހިފި މައްސަލައެއް ހުށަހަޅައިފައިވާ ކަމަށެވެ. އެ މައްސަލައާއި ގުޅިގެން ބިދޭސީ މީހާ މިވަގުތު ހުރީ ފުލުހުންގެ ބެލުމުގެ ދަށުގަ އެވެ.
މައުލޫމާތު ލިބޭ ގޮތުގައި ހައްޔަރުކޮށްފައި ވަނީ އިންޑިއާގެ ރައްޔިތެކެވެ. ފުލުހުން އެމީހާ ހައްޔަރުކޮށްފައި އެ ހާދިސާ ހިނގުމުން ފިރިހެން ކުއްޖާގެ އާއިލާ މީހުން ބިދޭސީ މީހާ ގައިގައި ތަޅައިގަންނަން އުޅެނިކޮށެވެ. އެތަނަށް ފުލުހުން އައިސް އެމީހާ ހައްޔަރު ކުރީ އެވެ.
ފުލުހުން ބުނީ މި މައްސަލައާއި ގުޅިގެން އިތުރަށް ބަލަން ޖެހޭ ކަންކަން ބަލަމުން އަންނަ ކަމަށެވެ.