ހުޅުމާލޭގައި ޓިއުޝަން ނަގައިދޭ ޓީޗަރަކު، އޭނާގެ ދަރިވަރަކަށް ޖިންސީ ގޯނާ ކުރި ކަމަށް ބުނާ މައްސަލައެއް ބަލަން ފަށައިފި އެވެ.
ތުހުމަތުކުރެވޭ މީހާ ޖިންސީ ގޯނާކޮށްފައިވާ ކަމަށް ބުނަނީ 18 އަހަރުން ދަށުގެ އަންހެން ކުއްޖަކަށެވެ.
ފުލުހުން ބުނީ މިމައްސަލަ ރިޕޯޓްކޮށްފައިވަނީ މިދިޔަ ހޮނިހިރު ދުވަހު ކަމަށެވެ.
މައްސަލައިގެ ތުހުމަތުގައި އަދި އެއްވެސް މީހަކު ހައްޔަރުކޮށްފައެއް ނުވެ އެވެ. އެކަމަކު މައްސަލައިގެ ތަހުގީގު ކުރިއަށްދާ ކަމަށް ފުލުހުން ބުނެ އެވެ.
ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް އިތުރުވަމުން އަންނައިރު އެފަދަ މައްސަލަތަކުގައި ގިނައިން ތުހުމަތުކުރެވިފައިވަނީ އެ ކުދިންނާ އެކު އެންމެ ގާތުގައި އުޅޭ މީހުންނަށެވެ.