ބިދޭސީންތަކެއްގެ މެދުގަައި މާރާމާރީއެއް ހިންގާ އެކަކަށް އަނިޔާވެގެން ފަރުވާ ދޭން ފަށައިފި އެވެ.
ދިވެހި ފުލުހުންގެ ހިދުމަތުން ދެންމެ ބުނީ ސޯސަން މަގުގައި ބިދޭސީންތަކެއްގެ މެދުގައި މާރާމާރީއެއް ހިނގާފައިވާ ކަމަށެވެ. އެ ރިޕޯޓް ފުލުހަށް ލިބުނީ މިރޭ 8:20 ގައެވެ.
މާރާމާރީގައި ބިދޭސީއަކަށް އަނިޔާވެ އޭނާއަށް ދަނީ ފަރުވާ ދެމުންނެވެ. ލިބުނު އަނިޔާގެ ތަފްސީލެއް ސާފެއް ނުވިއެވެ.
މާރާމާރީ ހިންގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
ބިދޭސީންތަކެއްގެ މެދުގަައި މާރާމާރީއެއް ހިންގާ އެކަކަށް އަނިޔާވެގެން ފަރުވާ ދޭން ފަށާފައިވާއިރު ހުޅުމާލޭގައި ދެ ބިދޭސީއެއްގެ މެދުގައި ހިނގި ހަމަނުޖެހުމެއްގައި އެކެއްގެ ކަރަށް ވަޅިން ހަމަލާދީ އޭނާ ވަނީ މަރާލާފައެވެ. މަރުވެފައި ވަނީ ބަންގްލަދޭޝް މީހެކެވެ.
ޒުވާން އުމުރުގެ އެ މީހާއަށް ހަމަލާދިނުމާއެކު ވަނީ މަރުވެފައެވެ. އެ މީހާއަށް ހަމަލާދިނީ ޕާކިސްތާނު މީހެއް ކަމަށް ވެއެވެ. އެ މީހާ މިހާރު ވަނީ ފިލާފައެވެ.