ގއ. ކަނޑުހުޅުދޫގައި ހިންގި މާރާމާރީއެއްގައި ދެ މީހަކަށް އަނިޔާވެއްޖެ އެވެ.
ފުލުހުން ބުނި ގޮތުގައި ކަނޑުހުޅުދޫގައި ދެ މީހެއްގެ މެދުގައި މާރާމާރީ ހިންގި މައްސަލަ ރިޕޯޓްކޮށްފައިވަނީ ރޭ 9:37 ހާއިރު އެވެ.
މި މާރާމާރީގައި އެ ދެ މީހުންނަށްވެސް އަނިޔާވެފައިވާ ކަމަށް ފުލުހުން ބުންޏެވެ. އެއީ 37 އަހަރުގެ މީހަކާއި 40 އަހަރުގެ މީހެއް ކަމަށާއި އެ ދެ މީހުންނަކީވެސް ދިިވެހި ފިރިހެނުން ކަމަށް ފުލުހުން ވަނީ ބުނެފަ އެވެ.
ފުލުހުން ބުނި ގޮތުގައި އެ ދެ މީހުންނަށްވެސް ގއ. އަތޮޅު ހޮސްޕިޓަލުގައި ދަނީ ފަރުވާ ދެމުންނެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.