މާލޭގައި ގެއެއްގެ ތެރެއަށް ބަޔަކު މީހުން ވަދެ މާރާމާރީ ހިންގައިފި އެވެ.
ދިވެހި ފުލުހުންގެ ހިދުމަތުން ބުނި ގޮތުގައި ރޭ 10:45 ހާއިރު ހިނގި މި މާރާމާރީގައި ތިން މީހަކަށް ވަނީ އަނިޔާވެފައެވެ. އެ މީހުންނަށް ދަނީ ހޮސްޕިޓަލްގައި ފަރުވާ ދެމުންނެވެ. އެ މީހުންނަށް ލިބުނު ޒަހަމުގެ ތަފްސީލެއް ނުދެއެވެ. އަދި ހޮސްޕިޓަލުންވެސް އެ މައުލޫމާތެއް ކަށަވަރެއް ނުކުރެވުނެވެ.
މާރާމާރީގައި ޒަހަމުވެފައިވަނީ އުމުރުން 23 އަަހަރާއި 35 އަހަރާއި 36 އަހަރުގެ ތިން މީހެކެވެ. އެއީ ދިވެހި ތިން ފިރިހެނުންނެވެ.
މާރާމާރީއާ ގުޅިގެން މިހާތަނަށް އެއްވެސް މީހަކު ހައްޔަރު ނުކުރާ ކަމަށްވެސް ފުލުހުން ބުންޏެވެ. އަދި މައްސަލައިގެ ތަހުގީގު ހިންގަމުންދާ ކަމަށްވެސް ބުންޏެވެ.
