ބަންގްލަދޭޝްގެ އެމްޑީ އަލަމްގިރިއާއެކު ގުޅުން ހިންގި 18 މީހެއްގެ ޕާސްޕޯޓް ހިފަހައްޓާފައިވާއިރު އޭގެ ތެރޭގައި މަޖިލީސް މެންބަރަކު ހިމެނޭކަން އެނގިފައި ނުވާ ކަމަށް މަޖިލީހުގެ އިދާރާ އިން މިރޭ ބުނެފި އެވެ.
ރައްޔިތުންގެ މަޖިލީހުގެ އިދާރާއިން ބުނީ ޕާސްޕޯޓް ހިފެއްޓި މީހުންގެ ތެރޭގައި މަޖިލީސް މެންބަރަކު ހިމެނޭކަން އެ މަޖިލީހަށް އެނގިފައިނުވާ ކަމަށެވެ. ގާނޫނު އޮތް ގޮތުން މެންބަރެއްގެ ޕާސްޕޯޓް ހިފެހެއްޓިޔަސް އެކަން މަޖިލީހުގެ އިދާރާއަށް އަންގާކަން ނުޖެހެއެވެ.
ނަމަވެސް މެންބަރަކު ހައްޔަރު ކުރާނަމަ އެކަން އަންގަން ޖެހެއެވެ.
ފުލުހުންގެ މީޑިއާ އޮފިސަރު މިއަދު ވިދާޅުވީ ގިނަ އަދަދެއްގެ ދިވެހިންނާ އެކު އެއްޖިންސުން ގުޅުން ހިންގި މައްސަލައިގައި ހައްޔަރުކޮށްފައިވާ އަލަމްގިރިއާއެކު ގުޅުން ހިންގި ކަމުގެ ތުހުމަތުގައި 18 މީހެއްގެ ޕާސްޕޯޓް ހިފަހައްޓާފައިވާ ކަމަަށެވެ. އަލަމްގިރި ވަނީ ރާއްޖޭގެ ސިޔާސީ ބޭފުުޅުންނާއި ބައެއް ވިޔަފާރިވެރިންނާއި ދައުލަތުގެ ބައެއް އިދާރާތަކުގައި މަސައްކަތް ކުރާ މީހުންނާ އެކު އެއްޖިންސުން ގުޅުން ހިންގުމުގެ އިތުރުން އެ މަންޒަރުތައް ވީޑިއޯ ވެސް ކޮށްފަ އެވެ.
އެހެންވެ އަލަމްގިރީގެ މައްޗަށް ފުލުހުން ދެ ތުހުމަތެއް ކުރެ އެވެ. އެއީ ގިނަ އަދަދެއްގެ ބަޔަކު ބްލެކްމެއިލް ކުރުމުގެ މައްސަލަ އާއި އެއް ޖިންސުން ގުޅުން ހިންގި ކަމުގެ ތުހުމަތެވެ.
އަލަމްގިރި ވަނީ ރާއްޖޭގެ ސިޔާސީ ބޭފުުޅުންނާއި ބައެއް ވިޔަފާރިވެރިންނާއި ދައުލަތުގެ ބައެއް އިދާރާތަކުގައި މަސައްކަތް ކުރާ މީހުންނާ އެކު އެއްޖިންސުން ގުޅުން ހިންގުމުގެ އިތުރުން އެ މަންޒަރުތައް ވީޑިއޯ ވެސް ކޮށްފަ އެވެ. އެހެންވެ އަލަމްގިރީގެ މައްޗަށް ފުލުހުން ދެ ތުހުމަތެއް ކުރެ އެވެ. އެއީ ގިނަ އަދަދެއްގެ ބަޔަކު ބްލެކްމެއިލް ކުރުމުގެ މައްސަލަ އާއި އެއް ޖިންސުން ގުޅުން ހިންގި ކަމުގެ ތުހުމަތެވެ.