މައްސަލައަކާ ގުޅިގެން އެއާޕޯޓުން ދެ ބިދޭސީން ހިފަހައްޓައިފި އެވެ.
ދިވެހި ފުލުހުންގެ ހިދުމަތުން ދެންމެ ބުނީ ފުލުހުން ބަލަމުންދާ މައްސަލައަކާއި ގުޅިގެން ސުވާލު ކުރުމަށް އެއާޕޯޓުން ދެ މީހަކު ފުލުހުންގެ އިދާރާއަށް ހާޒިރުކޮށްފައިވާ ކަމަށެވެ. އެއީ ދެ ބިދޭސީން ކަމަށްވެސް ބުންޏެވެ. އިތުރު ތަފްސީލެއް ނުދެއެވެ.
އަވަސްއަށް އެނގިފައިވާ ގޮތުގައި ފުލުހުންގެ އިދާރާއަށް ހާޒިރުކޮށްފައިވަނީ އިންޑިއާ ދެ މީހެކެވެ. އެ ދެ މީހުންގެ މައްޗަށް އޮތީ ސްޕައި ކެމެރާ ހަރުކޮށްގެން އެއާޕޯޓްގައި އުޅުމުގެ ތުހުމަތެވެ.