އަމީނީ މަގު ގިޔާސުއްދީން އިންޓަނޭޝަނަލް ސްކޫލް ކުރިމަތިން މީހަކަށް ތޫނު އެއްޗަކުން ހަމަލާދީ ޒަހަމް ކޮށްލައިފި އެވެ.
މި މާރާމާރީ ހިންގާފައިވަނީ މިއަދު ހަވީރު 4:10 ހާއިރު އެވެ. މި މާރާމާރީގައި އަނިޔާ ލިބުނު ފިރިހެން މީހާއަށް އައިޖީއެމްއެޗްގެ އެމަޖެންސީގައި މިހާރު އަންނަނީ ފަރުވާ ދެމުންނެވެ.
އަމީނީ މަގު ގިޔާސުއްދީން ސްކޫލު ބްލޮކް އެއްކޮށް އޮތީ ބަންދު ކޮށްފަ އެވެ. މި ސަރަހައްދުން ސައިކަލަކާއި ކުޑަ އެއްވެސް ފުލުހުންގެ ބެލުމުގެ ދަށަށް ގެންގޮސްފައިވެ އެވެ.
މާރާމާރީ ހިންގި ސަރަހައްދުގައި ހުރި ފިހާރައަކުން ވާހަކަ ދެއްކި މީހަކު ބުނި ގޮތުގައި ރޭވެސް ބަޔަކު ކަތިވަޅި ކަހަލަ ތޫނު އެއްޗެހިތަކެއް ހިފައިގެން އެ ސަރަހައްދުގައި ދުއްވާފައި އުޅުނެވެ.
މި މާރާމާރީއާއި ގުޅިގެން ފުލުހުންގެ ބަހެއް އަދި ލިބޭ ގޮތެއް ނުވެ އެވެ.
