ނޭޝަނަލް އިންޓެގްރިޓީ ޕްލޭނާބެހޭ ގޮތުން އޮޑިޓް އޮފީހާ މަޝްވަރާކޮށްފި

އެންޓި ކޮރަޕްޝަން ކޮމިޝަން (އޭސީސީ) އިން ތައްޔާރުކުރަމުންދާ ނޭޝަނަލް އިންޓެގްރިޓީ ޕްލޭނާ ބެހޭގޮތުން އޮޑިޓާ ޖެނެރަލްގެ އޮފީހާއެކު މަޝްވަރާކޮށްފި އެވެ.

މިދިޔަ އާދިއްތަ ދުވަހު އޮޑިޓާ ޖެނަރަލް އޮފީހުގައި ކުރިއަށް ގެންދިޔަ މަޝްވަރާތަކުގައި އޮޑިޓަ ޖެނެރަލާއި އެ އޮފީހުގެ އިސްވެރީންގެ އިތުރުން އޭސީސީގެ މެމްބަރުންވެސް ބައިވެރިވި އެވެ. މި ބައްދަލުވުމުގައި، ނޭޝަނަލް އިންޓެގްރިޓީ ޕްލޭންގެ މައިގަނޑު އަސާސްތަކާއި މަގުސަދަތަކާއި، ޕްލޭންގައި ހިމެނޭ ސިޔާސަތުތަކާއި، ސްޓްރެޓެޖީތައް އަދި ބައެއް ނަމޫނާ ހަރަކާތްތަކާ ބެހޭގޮތުން މަޝްވަރާކުރި އެވެ.

މިހާތަނަށް ދައުލަތުގެ 35 އިދާރާގެ އިސްވެރިންނާ މިޕްލޭނާބެހޭ މައުލޫމާތު ހިއްސާކުރެވިފައިވާއިރު، ކުރިޔަށް އޮތް ތަނުގައި މި ޕްލޭންގެ ހަތަރުވަނަ ދެލިކޮޕީ ފައިނަލްކޮށް ތަންފީޒުކުރުމުގެ އަމަލީ މަސައްކަތް ފެށުމަށް އެންޓި-ކޮރަޕްޝަން ކޮމިޝަނުން ތައްޔާރުވަމުންދާ ކަމަށް އެ ކޮމިޝަނުން ބުނެ އެވެ.

ދައުލަތުގެ އިދާރާތަކުގެ ނަޒާހަތްތެރިކަން ކުރިއެރުވުމުގެ މަގުސަދުގައި ތައްޔާރުކުރާ މި ޕްލޭން އެކުލެވިގެންވަނީ މައިގަނޑު ފަސް ސިޔާސަތެއްގެ މައްޗަށެވެ.