ހުޅުމާލޭގައި ދެވަނަ އެކްސިޑެންޓެއް، އެކެއްގެ ހާލު ސީރިއަސް

ހުޅުމާލޭގެ ދެވަނަ ފިޔަވަހީގައި ފަހި ދިރިއުޅުން ކޯޕަރޭޝަނުން ފްލެޓް އަޅާ ސަރަހައްދުގައި ނުރައްކާތެރި އެކްސިޑެންޓެއް ހިނގައިފި އެވެ.

ފުލުހުން ބުނީ ދެ ސައިކަލް ޖެހި ހިނގި އެކްސިޑެންޓްގެ މައުލޫމާތު ލިބުނީ ރޭ މެންދަމު 1:20 ހާއިރު ކަމަށެވެ.

މިއެކްސިޑެންޓްގައި އަނިޔާވީ 19 އަހަރުގެ ފިރިހެނަކަށާއި 56 އަހަރުގެ ފިރިހެނަކަށެވެ.

ފުލުހުން މައުލޫމާތު ދިން ގޮތުގައި 56 އަހަހަރުގެ މީހާގެ ހާލު ސީރިއަސް އެވެ.

އަނިޔާވި ދެ މީހުންނަށް ފުރަތަމަ ފަރުވާ ދިނީ ހުޅުމާލެ ހޮސްޕިޓަލްގަ އެވެ. ނަމަވެސް މިހާރު ފަރުވާ ދެމުންދަނީ އޭޑީކޭ ހޮސްޕިޓަލްގަ އެވެ.

ހުޅުމާލޭގެ ދެވަނަ ފިޔަވަހީގައި މިއަދު ހެނދުނު ހިނގި އެކްސިޑެންޓެއްގައި 59 އަހަރުގެ ފިރިހެނަކު މަރުވެސްވެފައިވެ އެވެ.

ރޯދަ މަހު މާލެ ސަރަހައްދުގެ މަގުމަތީގައި ހިނގާ އެކްސިޑެންޓްތައް އިތުރުވާތީ އެކަމަށް ހައްލެއް ހޯދުމަށް ގިނަ އަދަދެއްގެ ފުލުހުން މަގުމައްޗަށް ނެރެފައިވެ އެވެ.